एमालेको आग्रहपछि प्रधानमन्त्री निर्वाचनको कार्यतालिका सर्‍यो

एमालेको आग्रहपछि प्रधानमन्त्री निर्वाचनको कार्यतालिका सर्‍यो

SAMSUNG
  • Get News Alerts

baleno
tata

प्रमुख बिपक्षी दल नेकपा एमालेको आग्रहपछि प्रधानमन्त्री निर्वाचन मंगलबारका लागि सरेको छ। प्रधानमन्त्री निर्वाचनका लागि बिहान एघार बजे बोलाइएको बैठक तीन बजेसम्मको लागि स्थगित भएको थियो।

सभामुख ओनशरी घर्तीले बोलाएको बैठकमा एमाले अध्यक्ष केपी ओली आउन ढिलो हुने जानकारी एमाले नेताहरुले गराएपछि बैठक तीन बजेसम्मको लागि सूचना टाँसेर स्थगित भएको थियो।

तीन बजेको बैठकमा सहमति जुटाउन सभामुख घर्तीले बोलाएको शीर्ष नेताहरुको बैठकमा एमाले अध्यक्ष केपी ओलीले प्रधानन्त्री निर्वाचन मंगलबारसम्म सार्न आग्रह गरेका थिए।

‘बैठकको सुरूमा ओलीले धेरै गहन छलफल गर्नुपर्छ। यो बिचमा आन्तरिक छलफल गरौं त्यसको लागि संसदको बैठक दुई दिनको लागि स्थगित गरौं भन्नुभयो,’ बैठकमा सहभागी माओवादी केन्द्रका सांसद रामनारायण बिडारीले सेतोपाटीसँग भने, ‘ओलीको यस्तो प्रस्तावलाई कांग्रेस सभापति एवम् प्रधानमन्त्रीका उम्मेद्वार शेरबहादुर देउवाले हुन्छ भन्नुभयो।’

प्रधानमन्त्री पुष्पकमल दाहालले बिपक्षी दलका नेता र प्रधानमन्त्रीका उम्मेद्वार निर्वाचनको मिति सार्न सहमत भएपछि आफ्नो पनि त्यसमा समर्थन रहने बताएका थिए।

बैठकपछि सञ्चारकर्मीसँग कुरा गर्दै कांग्रेस सभापति शेरबहादुर देउवाले प्रमुख बिपक्षी दलले संसदको बैठक मंगलबारसम्म स्थगित गर्न आग्रह गरेकोले बैठक स्थगित भएको बताए।

सूचना टाँसेर बैठक स्थगित गर्दा सभामुखको कारणले नै बैठक स्थगित भएको हल्ला चल्ने भएकोले बैठक बोलाउने सभामुखको योजना रहेको थियो। बैठक चल्ने भए अवरोध हुने भएपछि आफूले बैठक स्थगित गर्ने बताएकी थिइन्।

तर सूचना टाँसेर स्थगित गर्न एमालेले आग्रह गरेपछि सभामुखले सूचना टाँसेर बैठक स्थगित गरेको बिडारीले बताए।

भौतिक पुर्वाधार तथा यातायात मन्त्री रमेश लेखकले सरकार निर्माण जस्तो संवेदनशील कामका लागि नै एमालेले अवरोध गर्नु गलत काम भएको प्रतिक्रिया दिए। उनले दोस्रो चरणको निर्वाचन नजिकिँदै गइरहेको बेला सरकार निर्माणमा धेरै समय खर्चिन पर्दा निर्वाचनलाई असर पार्ने बताए।

एमालेले थप छलफल गर्नुपर्ने भएकाले वैठक सारिएको बताएको छ। ‘हाम्रो सहमति बिना २१ गतेको निर्वाचन कार्यतालिका सार्वजनिक गरिएको थियो,’ एमाले प्रमुख सचेतक भानुभक्त ढकालले भने, ‘नेताहरूबीच गम्भीर विषयमा छलफल गर्नुपर्ने भएको छ। त्यसैले निर्वाचनको मिति सारिएको हो।’

निर्वाचनमा धाँधली गर्ने, प्रहरी प्रशासनको बलमा निर्वाचनको परिणामलाई आफ्नो पक्षमा पार्न खोज्ने अनि त्यसलाई निर्वाचन आयोगले सदर गर्ने काम भएकोले यस विषयमा छलफल जरूरी रहेको उनले बताए।

निर्वाचन कार्यतालिका सार्वजनिक भएको विषयमा आफूहरूलाई कुनै जानकारी नरहेको बताउने एमाले नेताहरुले २३ गतेको बैठकका लागि आफ्नो पार्टीको सहमति रहेको बताएका छन्।

‘निर्वाचन आयोगको फैसलाबिरुद्ध सर्वोच्चमा मुद्दा पनि परेको छ,’ ढकालले भने, ‘मंगलबारको बैठकभन्दा अघि आपसी बहस र छलफल गरौं भन्न पार्टीको धारणा हो।’

hundai
national
nic
mahindra
nic asia

प्रतिकृया दिनुहोस

थप समाचार

  • बाढीपीडित किसानका निम्ति भदौ १० भित्रै विशेष राहत प्याकेज ल्याइनेछः मन्त्री यादव

    बाढीपीडित किसानका निम्ति भदौ १० भित्रै विशेष राहत प्याकेज ल्याइनेछः मन्त्री यादव

    कृषि विकासमन्त्री रामकृष्ण यादवले बाढीले कृषि क्षेत्रमा धेरै क्षति गराएको भन्दै आगामी भदौ १० भित्रै विशेष राहत प्याकेज घोषणा गर्ने बताएका छन्।

  • पत्रकार महासंघमा राजनीतिकरण भयोः एमाले अध्यक्ष ओली

    नेकपा एमाले अध्यक्ष केपी ओलीले नेपाली कांग्रेस र माओवादी केन्द्रले पत्रकार महासंघलाई राजनीतिकरण गरेको आरोप लगाएका छन्। नेपाल पत्रकार महासंघको २५ औं महाधिवेशनको पुर्वसन्ध्यामा प्रेस चौतारी नेपालले शनिबार राजधानीमा गरेको भेलालाई सम्बोधन गर्दै अध्यक्ष ओलीले यस्तो आरोप लगाएका हुन्।

  • नेता नेपाल स्वदेश फर्किए

    नेता नेपाल स्वदेश फर्किए

    नेकपा एमालेका वरिष्ठ नेता माधव कुमार नेपालले बैज्ञानिक आधारमा निर्वाचन क्षेत्र निर्धारण हुनुपर्ने बताएका छन्। उत्तर कोरियाको भ्रमण सकेर शनिबार फर्किएका नेता नेपालले त्रिभुवन अन्तर्राष्ट्रिय विमानस्थलमा पत्रकारसँग कुरा गर्दै यसअघि २ सय ५ वटा निर्वाचन क्षेत्र निर्धारण गर्दाका आधारहरुलाई टेकेर बैज्ञानिक ढंगले क्षेत्र निर्धारण गर्नुपर्ने धारणा राखेका हुन्।

  • 'माया भरिएको बाल्टिन' लिएर गगन थापा बाढी प्रभावित क्षेत्रमा

    'माया भरिएको बाल्टिन' लिएर गगन थापा बाढी प्रभावित क्षेत्रमा

    बाढी प्रभावितका निम्ति राहत संकलन अभियान चलाएका नेपाली काँग्रेसका केन्द्रीय सदस्य राहत वितरण गर्दै प्रभावित क्षेत्र पुगेका छन्। 'माया भरिएको बाल्टिन' अभियानमार्फत संकलन गरिएका राहत सामाग्री लिएर गगन थापाको नेतृत्वमा वितरण टोली झापा, मोरङ, सुनसरी, रौतहट, सिराहा, धनुषा गएका हुन्। 

  • भारतमा पक्राउ परेका युवकलाई रिहा गर्न नेता खनालको आग्रह

    भारतमा पक्राउ परेका युवकलाई रिहा गर्न नेता खनालको आग्रह

    आमाको उपचारमा भारत गएका नेपाली युवकलाई भारतीय प्रहरीले पक्राउ गरेपछि पूर्वप्रधानमन्त्री झलनाथ खनालले तत्काल रिहाइको माग गरेका छन्। नेकपा एमालेका वरिष्ठ नेता पूर्वप्रधानमन्त्री खनालले पक्राउ परेका इलाम सूर्योदय नगरपालिका–१० का २७ वर्षीय उदयहाङ फागो निर्दोष रहेकाले रिहाइको पहल गरिदिन भारतका लागि नेपाली राजदूत दीपकुमार उपाध्यायसँग शुक्रबार टेलिफोन वार्ता गरेका खनालका स्वकीय सचिव कृष्ण भट्टराईले जानकारी दिए।