पिलर र बीम चर्किदैमा नआत्तिनुस्

SAMSUNG
  • Get News Alerts

baleno
मर्मत गरेर उस्तै बलियो बनाउन सकिन्छ
tata

इञ्जिनियरिङ अध्ययन संस्थानका तर्फबाट घर निरीक्षण गरेर सल्लाह दिने काममा हामी पनि लागिरहेका छौं। चिनेजानेका, आफन्त र टोलवासीको अनुरोधमा पनि धेरै घरको अवस्था हेर्ने मौका मिलिरहेकै छ।  

खासै क्षति नभएका वा सामान्य मर्मत गरेर पूर्ण सुरक्षीत हुने घरका धनी र डेरावाल अनावश्यक त्रास लिइरहेका छन्। खुला चौर खेतबारी, स्कूल वा सडकबाट घरभित्र छिरे पनि ढुक्कसँग निदाउन सकेका छैनन्। ‘बनको बाघले खावस नखाओस मनको बाघले खाने’ अवस्था छ।

‘भूकम्पले गर्नुजति क्षति गरिसक्यो। अब यो भन्दा बढी क्षति हुनेवाला छैन। त्यसैले घर भत्केको छैन सामान्य टुटफुट हेरेर चिन्ता नलिनुस्। निर्धक्कसँग निदाउनुस्,’ हामी इञ्जिनियरले सुझाव दिनु परिरहेको छ।

म पुगेका मध्ये घरबेटी, डेरावाल र छिमेकीले ठूलै क्षति भयो भनि ठानेका काठमाडौं, ललितपुर, भक्तपुर नगरभित्रका धेरैजसो घर केहि पनि नगरि बस्न सकिने अवस्थामा छन्।

सामान्य क्षति भएकै घरको पनि सामान्य मर्मत नै काफि हुने अवस्था छ। तैपनि मानिसहरु अनावश्यक त्रास पालेर बसेका छन्। सबैभन्दा पहिला यो डरको मनोवैज्ञानिक उपचार जरूरी छ।

उपत्यकाका पिलर सिष्टमको घर हेर्दा मैले के देखे?

१.चर्केको गारो र प्लास्टर

अवस्था: म इञ्जिनियरिङमा स्नातकोत्तर गरेको मान्छे। मेरै घरको गारो अलिअलि क्र्याक छ। त्यसको मैले किञ्चित पनि वास्ता गरेको छैन।

म निरीक्षणमा गएको धेरै घरहरुमा पनि गारो वा प्लास्टरमा देखिएको सामान्य क्र्याकलाई मानिसहरु पहाड बनाएर बसेका छन्। मान्छेको सातो गएको छ। यस्ता सामान्य क्र्याकको कारण भैंचालो नहुन पनि सक्छ। भैंचालोपछि हामी घरको जगदेखि ट्याङ्कीसम्म माइक्रोस्कोप लगाएजसरि हेरिरहेका छौं। त्यसले अघिपछि याद नगरेको र अनदेखा गरेका टुटफुट, गारोका चर, चर्केको प्लास्टर देखिन्छ नै। अनि हामीलाई त्यहीँ भयाबह जस्तो लाग्छ।

चार इञ्चको पार्टेसन गारो लगाउँदा भएको सामान्य त्रूटी वा मसला राम्ररी नखाँदेको कारणले पनि चर्केको हुनसक्छ। चार इन्च गारो फुटाएर कन्सिल वायरिङ गरेर राखिएको पोलिथिन पाइपले पनि प्लास्टर कमजोर बनाउँछ। प्लास्टरको टिकाउ सिमेन्ट, बालुवाको गुणस्तर, मात्रा र क्युरिङ (पानी हाल्ने)मा भर पर्छ।  

उपचार: गारोको क्र्याक वा उप्किएको प्लस्टरले मनमा चिरा परिसकेको छ भने मर्मत गरेर आश्वस्त हुन सकिन्छ। यस्ता क्र्याकले घर असुरक्षित हुने हैन। त्यसैले अहिले नै हतारहतार बालुवा, सिमेन्टको जोहो गरेर डकर्मी खोज्न कुद्नुपरेन। फुर्सदमा टालटुल गरे हुन्छ।

चर्केको ठाउँबाट दुई इन्च तल र माथिबाट वारपार फुटाउने, त्यो ठाउँ पानीले पखाल्ने। सानो किलाले बालुवा चाल्ने जाली ठोकेर अड्याउने। राम्रो मसला बनाएर प्लास्टर गर्ने। केहि दिन पानी हाल्ने । सेट भइसकेपछि रङ लगाएर टल्काएपछि जस्ताको तस्तै हुन्छ।

. बिम र पिलरको सामान्य क्र्याकबाट

अवस्था: पिलर र बिममा डण्डी बाँध्ने क्रममा भएको कमजोरीले सामान्य क्र्याक आएको हुनसक्छ। यो पनि भैंचालो अघिकै धेरै छ। पहिला ख्याल नगरेको क्र्याक अहिले देखेर आत्तिएको अवस्था छ।

डण्डी बाँध्ने क्रममा पिलर वा बिमको चुरीको दूरी, चुरीको टुप्पाको एङ्गल, डण्डीको क्र्याङ वा कटपिसमा सामान्य हेक्का नपुगेका कारण भैंचालो अघि वा पछि क्र्याक देखिएको हुनसक्छ। फर्मा राख्दा डण्डीभन्दा कम्तीमा एक इन्च बाहिर नढाकेको कारणले पनि यो क्र्याक देखिन्छ।  

यो सामान्य क्रयाक भनेको पिलर वा बिमको डण्डीभन्दा बाहिर देखिएको हुन्छ। पिलर वा बिमको वारपार क्रयाक छैन भने यसलाइ मर्मत गर्न कुनै हतार गर्नुपर्दैन।

उपचार: चर्केको जति भाग फुटाउने। बालुवा, रोडा र सिमेन्टको मसला बनाएर ढलान गर्ने। कम्तीमा २८ दिन फर्मा राख्ने। मजबुतीका लागि पानी हालेर भिजाइरहनु पनि उत्तिकै जरुरी छ।

.पिलरको फेदमा क्र्याक

अवस्था: कतिपय घरमा पिलरको फेदको ढलान र प्लास्टर फ्याँकिएर डण्डी देखिएका छ्न्। देखिएका डण्डी बांगिएको छैन, भित्रको मसला इन्ट्याक्ट छ र पिलरको एक साइडमा मात्र उप्किएको छ भने क्रयाक सजिलै मर्मत गर्न सकिन्छ।

उपचार: माथि भनेजस्तै यस्तो पिलरको पिन बिग्रेको जति भाग उप्क्काउ। अनि राम्रो ढलान मसला बनाएर हालौं। मसलालाई अझ मजबुत बनाउने केमिकलहरू पनि बजारमा पाइन्छ। यो ढलानलाई फर्माले ढाकेर झण्डैं चार हप्तासम्म पानी हाल्नुपर्छ। घको धेरैवटा पिलरमा यस्तो समस्या आएको छ भने मर्मत गरेर मात्र बस्नु राम्रो हुन्छ।

. पिलर र बिम गासिको ठाउँ खोक्रो

अवस्था: उदाहरणको लागि नौं वाइ नौं इन्चको पिलर र नौं वाइ नौं इन्चकै बीम छ। डण्डी बान्ने बेलामा पिलर र बिमको क्रसमा कम्तिमा सोह्र वटा डण्डी क्रस पर्छ। अरू ढलानभन्दा त्यहाँ मसला खाद्न निकै ध्यान पुर्‍याउनुपर्छ। त्यस्तो जोर्नीमा बासले राम्ररी खाँद्ने वा भाइब्रेटर लगाउनुपर्ने हुन्छ। होस नपुर्‍याएको कारणले भित्र खोक्रो भयो भने संरचना कमजोर हुन्छ। भैंचालोले धक्का दिँदा त्यहीँ भागमा क्र्याक आएको पनि देखियो। यसबाट घर बनाउने जिम्मा लिएर बसेका परिवारका सदस्य सबैभन्दा खिन्न र सबैजना भयभित देखिन्छन्।

उपचार: यो पनि उपचार नै नभएको रोग हैन। यस्ता गाँसको दायाँबायाँका बिममा टेका दिएर मर्मत गर्न सकिन्छ। यसको पनि एउटै शर्त पिलर र बिमको डन्डी भाँचिएको वा पर्लक्क बटारिएको भने हुनुहुँदैन।

मसला नखाँदिएको भाग जति पत्ता लगाएर फुटाउन सकिन्छ। अनि भक्तपुरको जुजु धौं जस्तो सबै मात्रा मिलेको लटक्क परेको मसला खाद्न सकिन्छ। डण्डीलाई ढलानले कम्तीमा एक इन्च ढाक्नुपर्छ। यो क्रसको ढलान चार हप्ताजित टेका राखेर पानी दिइरहनुपर्छ। नयाँ जत्तिकै बलियो हुन्छ।

. पिलरको डण्डी बटारिएको

अवस्था: कतिपय चारपाँच तले घरको माथिल्लो तला पुरापूर सहिसलामत छन्। तर भूइँतलामा पिलरका डण्डी बटारिएका छन्। घरको अरु अवस्था ठीकठाक छ भने पनि मर्मत नगरि यी घरमा बस्नुहुन्न।

पिलर घरको खुट्टा हो। यसले बोक्न सक्ने भारी भन्दा घरको तौल कयौं गुना बढी भएकाले यो समस्या आएको हो। मानौं त्यस्तो घर पाँच तले छ र पिलर ‘नौं बाइ नौं इन्च’ को छ भने त्यसलाई बढाउन सकिन्छ।

उपचार: इन्जिनियरिङ भाषामा हामी यसलाई ‘रेट्रोफिटिङ’ भन्छौं। यसमा हात्तिपाइलेदेखि नै पिलरको क्षमता बढाउन सकिन्छ। अघिकै उदाहरणको कुरा गरौं घरलाई जगैदिख टेका दिएर आवाश्यकता अनुसार पुनर्निर्माण गर्न सकिन्छ। अघिकै उदाहरण लिऊ न त्यो पिलरलाई डण्डी रिङ थपेर आवाश्कयता अनुसार  ९ वाइ १२ वा १२ वाइ १२ इन्च बनाउन सकिन्छ।

अन्त्यमा उसै आयु सकिएका, धेरै पूराना वा इटामाटोबाट बनेको बाहेक उपत्यकाका ९९ प्रतिशत घर सुरक्षीत छन्। आफ्नो जीवनभरिको कमाइको लगानी र भावना जोडिएको घरसँग नडराउनुस्।

कुनै क्र्याकले अझैपनि तँपाइलाई अत्ताइरहेको छ भने प्राविधिक सल्लाह लिनहोस्। मर्मत गर्नुहोस्। ढुक्क हुनस् तँपाईँको घर पहिला जस्तै बलियो हुन्छ।

(इन्जिनियरिङ अध्ययन संस्थानका प्रध्यापक खड्कासँग कुराकानीमा आधारित)

hundai
national
nic
mahindra
nic asia

प्रतिकृया दिनुहोस

बिज्ञापन

mahindra

विचार

Hyundai

किनमेल

apex

ग्लोबल

vianetwlink

कला

अंग्रेजी संस्करणबाट

ब्लग

  • फिनल्याण्ड आउँदै हुनुहुन्छ यसो गर्नुहोस् फिनल्याण्ड आउँदै हुनुहुन्छ यसो गर्नुहोस्

    मास्टर तहको पढाई विश्वविद्यालयहरुमा हुन्छ। केही पोलिटेक्निक्सले मास्टर तहको पढाई पनि सञ्चालन गर्छन तर त्यसका लागि काम गरेको अनुभव खोजिन्छ । हेलसिन्की विश्वविद्यालय, आल्टू विश्वविद्यालय विश्वकै उत्कृष्ट विश्वविद्यालयहरू हुन्। यी विश्वविद्यालयमा भर्ना निकै प्रतिस्पर्धात्मक हुन्छ। फ़िनल्याण्डमा वर्षको एक पटक विधार्थी भर्ना कार्यक्रम हुन्छ, अगस्ट -सेप्टेम्बरमा।

    प्रकाश पोखरेल

  • बढ्दो आत्महत्या सामाजिक सरोकारको विषय बढ्दो आत्महत्या सामाजिक सरोकारको विषय

    आत्महत्याको घटनालाई कुनै परिवारको निजी मामला भनेर अनदेखा गर्नु भन्दा पनि एउटा सामाजिक, सांस्कृतिक, लैंगिक, आर्थिक, मानसिक र मनोवैज्ञानिक दृष्टिकोणबाट विश्लेषण गर्नु जरुरी छ। गहन विश्लेषण बिना सरल अभिव्यक्ति दिएर सामाजिक दायित्वबाट पन्छिनु चेतनशील व्यक्तिको पहिचान होइन। एक आपसमा सहयोगको भावना, मनोबैज्ञानिक तथा मानसिक समस्याबारे शिक्षा/चेतना,  सकारात्मक सोचाई, स्वस्थ प्रतिस्पर्धा र सामाजिक समस्याहरुप्रतिको संवेदनशीलतालाई प्रोत्साहन गर्ने हो भने आत्महत्याद्वारा अकाल मृत्युको घटनालाई धेरै हदसम्म न्युनिकरण गर्न सकिन्छ।

    बिभु थपलिया श्रेष्ठ

  • एउटा नर्सको स्विकारोक्ती: के डा. केसी राष्ट्रद्रोही नै हुन् त? एउटा नर्सको स्विकारोक्ती: के डा. केसी राष्ट्रद्रोही नै हुन् त?

    म एक स्वास्थकर्मी हुँ। मैले मुलुकका बिभिन्न जिल्लाहरुमा करिब १५ वर्षसम्म नर्सिङ सेवा प्रदान गरे। मेरो कार्यक्षेत्र दुर्गम र सुगम दुवै ठाउँमा थियो। भाग...

    सुशिला पाण्डे

साहित्यपाटी

  • पैंचो पैंचो

    दुर दराजबाट

    मैलो र फाटेको लुगामा सजिएर

    आफूलाई धकेल्दै आफैंले

    हर्केकी छोरीले ल्याइपुर्‍याएकी छ

    सिंहको गर्जन चल्ने ठाउँमा।

    सिर्जना सुवेदी

  • अजरा ब्युँझनुअघि अजरा ब्युँझनुअघि

    स्थिति सकसपूर्ण छ। अब कुरा कसरी अगाडि बढाउने साएथुरेनलाई थाहा छैन। मौनतालाई चिर्दै सेतो कार निक्कै स्पिडमा कण्डोयोकी गार्डेनको पश्चिम गेटबाट छिर्छ। उनीहरु उभिइरहेको ठाउँबाट प्रष्ट त्यो देखिन्छ। गाडी अचानक रोकिन्छ। निकै हतारमा एउटी अर्की महिला गाडीबाट ओर्लिन्छे र साएथुरेनहरु भएतिर आउँछे। उसले चोको हात समाएर तान्छे र कानेखुसीको पारामा अजराकी आमालाई भन्छे, ‘तैंले गर्दा हामीलाई पनि समस्या भएको छ। छिमेकीहरुले प्रश्न गर्छन्। पुलिसले पनि चियो गर्छ। बाहिरबाट आएका कुलाहरुलाई शरण नदिनु भनेर पुलिसले उर्दी गरेको छ। आजदेखि आफ्नो व्यवस्था आफैं गर। सबभन्दा राम्रो त तँ त्यही मस्जिदमा जा।’ चोलाई घिसार्दै महिला अघि बढ्छे।

    घिमिरे युवराज

  • सिकर्मीको सिसाकलम सिकर्मीको सिसाकलम

    काकाले आश्चर्य मान्दै मुन्टो हल्लाएर थप्नुभयो, ‘हो नि त, कति चाँडो कुरा बुझेको। जीवनमा मात्रै हैन, संसारमा नै नराम्रा चिज जति चिन्न सक्यो र फाल्न सक्यो भने त सबै राम्रैराम्रा त बाँकी हुन्छन् नि।’सिकर्मीका कुरा मलाई साहै्र घत लाग्यो। ती कुराले मलाई आँखा खुलेजस्तै भयो। उहाँ पक्कै पनि आदरणीय हुनुहुन्छ भन्ने मलाई लाग्यो। अझ उहाँले कानमा सिउरने गरेको सिसाकलम पनि मलाई महान् लाग्यो। मनमा लागेका कुरा मैले रोकिरहन सकिनँ। ‘काका, तपाईंको त्यो सिसाकलमचाहिँ मलाई दिनोस् न है।’ मैले मुख फोरिहालेँ, ‘बरु मैले भर्खरै किनेका नयाँ सिसाकलम तपाईंलाई दिन्छु, हुन्न?’ मेरा कुरा सुनेर हाँसिरहेका काकाले बिस्तारै हाँसो रोकेर भन्नुभयो, ‘यो सिसाकलम त्यस्तो विशेष केही होइन। तिम्रोजस्तै साधारण हो।’

    अनन्त वाग्ले

पाठक विचार

  • राजीनामाले उज्यालियो दाहालको छवि

    लोडसेडिङ अन्त्य, ओबरमा हस्ताक्षर, फास्ट ट्रयाक लगायतका राम्रा काम दाहाल नेतृत्वको सरकारले अघि बढाएको छ। तिनको सह्राना गर्न कन्जुस्याईं गर्न हुँदैन। मुख्य कुरा यदि दाहालको राजीनामाभित्र कुनै भित्री खेलहरु सम्मिलित छैनन् भने उहाँको यो कदम अत्यन्त प्रशंसनीय छ। साथै दाहालले आफ्नो कद उँचो गर्ने अवसर सहर्ष सदुपयोग गर्नुभएको छ। वचनमा ढुक्क बन्न नसकिने मानिस भनेर चिनिने उहाँको छवि उजिल्याएको छ।

    कल्पना भट्टराई

लोकप्रिय

सिफारिस

सूचनापाटी

छापाबाट

vianetwlink