सशस्त्र प्रहरी बल गुह्येश्वरी गणमा क्षयरोग शिविर

  • Get News Alerts

दुवाकोटस्थित सशस्त्र प्रहरी बलको गुह्येश्वरी गणमा शुक्रबार क्षयरोगसम्बन्धी निःशुल्क खकार परीक्षण तथा क्षयरोगसम्बन्धी अभिमुखीकरण कार्यक्रम सम्पन्न भएको छ ।

नेपाल क्षयरोग निवारण संस्था भक्तपुरको आयोजनामा सम्पन्न सो शिविरमा गणका जवान तथा अधिकृतको खकार परीक्षण गरिएको थियो । जिल्लालाई क्षयरोगमुक्त बनाउन लुकेका क्षयरोगी पत्ता लगाउने उद्देश्य पूरा गर्न विभिन्न क्षेत्र र समुदायमा क्षयरोगसम्बन्धी जनचेतना जगाउने र त्यहाँ भएका क्षयरोगी पत्ता लगाई उपचारको दायरामा ल्याउने अभियानअन्तर्गत गणमा शिविर सञ्चालन गरिएको संस्थाले जनाएको छ ।

शिविरमा भक्तपुर अस्पतालका विश्वराम थापाले क्षयरोगको परिभाषा, लक्षण, क्षयरोग लाग्ने अवस्था र क्षयरोगको उपचारका बारेमा प्रशिक्षण दिएको कार्यक्रम संयोजक एवम् संस्थाका निवर्तमान सभापति बाबुकाजी श्रेष्ठले बताए। 

शिविरमा डा रोजिना श्रेष्ठ, परिचारिका राजेश्वरी शिल्पकार, प्रभा श्रेष्ठ, ल्याब टेक्निसियन सङ्गीता श्रेष्ठ, सोमबहादुर पन्थ, सुनिता धौबन्जार र स्वयम्सेविका अम्बिका श्रेष्ठ र रमिला दृष्टिलगायतको प्राविधिक टोलीले आवश्यक सहयोग गरेका थिए। रासस

प्रतिकृया दिनुहोस

थप समाचार

  • बत्तीस लाख लुटेर फरार समूह पक्राउ

    महानगरीय प्रहरी अपराध महाशाखाले गत शुक्रबार म्हैपीमा रु ३२ लाख लुटेर भाग्ने समूहलाई पक्राउ गरेको छ । महाशाखाबाट खटिएको टोलीले उपत्यकाका विभिन्न ठाउँबाट छ जनालाई पक्राउ गरेको हो ।

  • कलर्स अफ नेपाल फोटो नेपाल प्रदर्शनी सुरू

    कलर्स अफ नेपाल फोटो नेपाल प्रदर्शनी सुरू

    उद्घाटन कार्यक्रममा बोल्दै नेपाल पर्यटन बोर्डका प्रबन्धक जितेन्द्र भट्टराईले बोर्डले नेपालको प्रचार प्रसारमा फोटो र भिडियोहरुको बढी प्रयोग गरिरहेको र यस्ता प्रर्दशनीहरु ती प्रचार प्रसारहरुलाई सघाउने बताए। फोटोपत्रकार दिपेश श्रेष्ठले आफूले फोटो खिच्नलाई गरेको मिहेनत आई हेर्न सबैमा आग्रह गरेका छन्।

  • चीनले बनायो रेलजस्तै बस

    चीनले बनायो रेलजस्तै बस

    ३०० यात्रु बोक्ने क्षमता भएको रेलमा तीनवटा डब्बा छन्। यसको लम्बाई ३० मिटर छ। रेलमा डब्बा थप्न र घटाउन पनि मिल्छ। निर्माताले यो रेल प्रतिघन्टा ७० किलोमिटरको गतिमा गुड्ने जनाएका छन्।

  • काठमाडौं उपत्यकामा थप ३४ करोड लिटर पानी आउने सुनिश्चित: मन्त्री शाही

    काठमाडौं उपत्यकामा थप ३४ करोड लिटर पानी आउने सुनिश्चित: मन्त्री शाही

    खानेपानी तथा सरसफाई मन्त्री जीवनबहादुर शाहीले काठमाडौं उपत्यकामा थप ४३ करोड लिटर पानी ल्याउने सुनिश्चित गरिएको बताएका छन्। आइतबार मन्त्रालयमा केही संचारकर्मीहरुसँग कुरा गर्दै मन्त्री मेलम्चीबाट आउने १७ करोड लिटर पानीले काठमाडौंको माग धान्न नसक्ने भएकाले याङ्ग्री र लार्केबाट पनि थप ३४ करोड लिटर पानी ल्याउने प्रक्रिया अघि बढाईएको जानकारी दिएका छन्।

  • क्रसरको लापरबाहीले मृत्यु भएको आरोप

    उनीहरुले इन्द्रावती नदीबाट जथाभाबी ढुङ्गा निकालेर नदीको बहाव आफू अनुकूल मोडेको जनाउँदै पीडितपरिवारलाई क्षतिपूर्ति दिन माग गरेका छन् । “क्रसरले जथाभाबी ढुङ्गा झिकेर नदीको पानीको बहाव मोडेको कारण यो घटना भएको हो, त्यसैले पीडितले क्षतिपूर्ति पाउनुपर्छ” स्थानीयवासी कृष्ण पराजुलीले भने।

लोकप्रिय

सूचनापाटी