नेपाल रेडक्रस सोसाइटी पर्सामा सेपरेटर मेसिन आएपछि बिरामीलाई सुविधा

  • Get News Alerts

नेपाल रेडक्रस सोसाइटी पर्साद्वारा वीरगन्जमा रहेको रक्तसञ्चार केन्द्रमा सेपरेटर मेसिन जडान भएपछि रगत अभावको समस्या अब नहुने निश्चित भएको छ ।

स्वास्थ्य मन्त्रालयद्वारा रु ४० लाखको लागतमा खरिद गरेको रगत वर्गीकरण गर्ने सेपरेटर मेसिन सञ्चालनमा आएपछि रगत अभावको समस्या समाधान हुने रक्तसञ्चार केन्द्रका कर्मचारीहरुले बताएका छन् ।

अनियन्त्रित विद्युत्भार कटौतीका कारण सेपरेटर मेसिन सञ्चालनमा आउन नसकेपछि स्थानीय व्यापारी तथा समाजसेवीको ११ लाख रुपैयाँ आर्थिक सहयोगमा ३० केभिएको जेनेरेटर तथा अन्य उपकरण उपलब्ध गराएपछि रक्तसञ्चार केन्द्रले सेवा प्रवाह सुरु गरेको उद्योगपति विजय सरावगीले बताए। 

बिहीबार रक्तसञ्चार केन्द्रले अयोजना गरेको कार्यक्रममा उपकरण तथा जेनेरेटर हस्तान्तरण गरिएको जानकारी गराउँदै सरावगीले सेपरेटर मेसिन सञ्चालनमा आएपछि बारा, पर्सा, रौतहट, सर्लाही, मकवानपुर तथा सिमावर्ती भारतीय क्षेत्रबाट वीरगन्जमा उपचार गराउन आउने बिरामीलाई प्रत्यक्ष लाभ पुग्ने विश्वास व्यक्त गरे। 

सङ्कलन गरिएका रगतलाई वर्गीकृत गरी प्लाज्मा, प्लेटलेट्स, क्रायो र पेकसेल छुट्याएपछि चिकित्सकको सल्लाहअनुसार बिरामीलाई आवश्यक तत्व दिन सकिने रक्तसञ्चार केन्द्र, वीरगन्जका प्रमुख प्रविण मानन्धरले जानकारी दिए। 

डेङ्गु, थाइसिमिया, सर्पदंश र करेन्ट लागे वा आगोमा जलेका बिरामीका लागि भरतपुर तथा काठमाडौँबाट वर्गिकृत रगत ल्याउनुपर्ने अवस्थाको अन्त्य सेपरेटर मेसिनले गरेको प्रमुख मानन्धरको भनाइ छ ।

वीरगन्जमा वर्गिकृत रगतको उपलब्धता नभएका कारण भरतपुर तथा काठमाडौँमा उपचार गराउन जाँदा बिरामीको ज्यान जोखिममा पर्नाका साथै समय र रकम दुवै बढी खर्चिनुपर्ने अवस्था थियो ।

रक्तसञ्चार केन्द्रमा सेपरेटर मेसिनको सञ्चालनसँगै वर्गिकृत रगत उपलब्ध भएपछि बिरामीको ज्यान जोखिम घटाउनाका साथै समय र पैसा दुवैको बचत गरेको जानकारहरु बताउँछन् । रासस

प्रतिकृया दिनुहोस

थप समाचार

  • बत्तीस लाख लुटेर फरार समूह पक्राउ

    महानगरीय प्रहरी अपराध महाशाखाले गत शुक्रबार म्हैपीमा रु ३२ लाख लुटेर भाग्ने समूहलाई पक्राउ गरेको छ । महाशाखाबाट खटिएको टोलीले उपत्यकाका विभिन्न ठाउँबाट छ जनालाई पक्राउ गरेको हो ।

  • कलर्स अफ नेपाल फोटो नेपाल प्रदर्शनी सुरू

    कलर्स अफ नेपाल फोटो नेपाल प्रदर्शनी सुरू

    उद्घाटन कार्यक्रममा बोल्दै नेपाल पर्यटन बोर्डका प्रबन्धक जितेन्द्र भट्टराईले बोर्डले नेपालको प्रचार प्रसारमा फोटो र भिडियोहरुको बढी प्रयोग गरिरहेको र यस्ता प्रर्दशनीहरु ती प्रचार प्रसारहरुलाई सघाउने बताए। फोटोपत्रकार दिपेश श्रेष्ठले आफूले फोटो खिच्नलाई गरेको मिहेनत आई हेर्न सबैमा आग्रह गरेका छन्।

  • चीनले बनायो रेलजस्तै बस

    चीनले बनायो रेलजस्तै बस

    ३०० यात्रु बोक्ने क्षमता भएको रेलमा तीनवटा डब्बा छन्। यसको लम्बाई ३० मिटर छ। रेलमा डब्बा थप्न र घटाउन पनि मिल्छ। निर्माताले यो रेल प्रतिघन्टा ७० किलोमिटरको गतिमा गुड्ने जनाएका छन्।

  • काठमाडौं उपत्यकामा थप ३४ करोड लिटर पानी आउने सुनिश्चित: मन्त्री शाही

    काठमाडौं उपत्यकामा थप ३४ करोड लिटर पानी आउने सुनिश्चित: मन्त्री शाही

    खानेपानी तथा सरसफाई मन्त्री जीवनबहादुर शाहीले काठमाडौं उपत्यकामा थप ४३ करोड लिटर पानी ल्याउने सुनिश्चित गरिएको बताएका छन्। आइतबार मन्त्रालयमा केही संचारकर्मीहरुसँग कुरा गर्दै मन्त्री मेलम्चीबाट आउने १७ करोड लिटर पानीले काठमाडौंको माग धान्न नसक्ने भएकाले याङ्ग्री र लार्केबाट पनि थप ३४ करोड लिटर पानी ल्याउने प्रक्रिया अघि बढाईएको जानकारी दिएका छन्।

  • क्रसरको लापरबाहीले मृत्यु भएको आरोप

    उनीहरुले इन्द्रावती नदीबाट जथाभाबी ढुङ्गा निकालेर नदीको बहाव आफू अनुकूल मोडेको जनाउँदै पीडितपरिवारलाई क्षतिपूर्ति दिन माग गरेका छन् । “क्रसरले जथाभाबी ढुङ्गा झिकेर नदीको पानीको बहाव मोडेको कारण यो घटना भएको हो, त्यसैले पीडितले क्षतिपूर्ति पाउनुपर्छ” स्थानीयवासी कृष्ण पराजुलीले भने।

लोकप्रिय

सूचनापाटी