वृद्धाश्रमको एउटा कथा

  • Get News Alerts

राजकुमार!
आफ्नो पच्चीसौँ जन्मदिन मनाउन
यो अँध्यारो खण्डहरजस्तो
एउटा सुनसान वृद्धाश्रमभित्र
आइपुगेका छौ तिमी!
तिमीलाई धेरै धेरै धन्यवाद छ!
आज हामीलाई सम्झेर यहाँसम्म आइपुग्यौ
हृदयदेखि नै आशिर्वाद छ तिमीलाई!
...
तिमीले राम्ररी देख्यौ होला नि—
कालको निष्ठुरी छायाँले पनि बिर्सेर गएका
केही प्राचीन जनावरहरु मात्र बसिरहेका छौँ यहाँ!
हामीजस्तै अनाथ देवताहरुको
अखण्ड आरती गाउँदै
पात झरिसकेका केही बूढा रुखहरु मात्र
एक्लै एक्लै सुसाइरहेका छौँ यहाँ!
यो मन्दिरजस्तो देखिने निर्जन मसानघाटभित्र
ईतिहासका केही
अनौठा भूतप्रेतहरु मात्र रोइरहेका छौँ यहाँ!
मृत समयको एउटा बेवारिस कारागारभित्र
हामी त आजीवन कैदी बनेर मरिरहेका छौँ यहाँ!
...
यति बिहानै चाँदीको किस्तीभरि
के बोकेर आयौ तिमी?
तिमीले ल्याएका करुणा र प्रेमका अमूल्य उपहारहरु
ऊ ती रोइरहेका बाआमाहरुलाई बाँडिदेऊ,
जसले कुनै दिन तिमीजस्तै राजकुमारहरु
जन्माएका थिए यो धरतीमा!
यौवनभरि सपनाको कोक्रो हल्लाएका थिए उनीहरुले
र आफ्नै कलेजाको हाँगा काटेर
सन्तानहरुलाई लौरो बनाइदिएका थिए!
...
उनीहरुलाई नै बाँडिदेऊ तिम्रो मायाको कोसेली,
जो आज आफ्नै समुद्रमाथि
मरुभूमि बनेर रोइरहेका छन्!
मलाई तिमीले आज केही पनि दिनु पर्दैन!
प्रेमको फलफूल, मिठाई वा दही
उनीहरुलाई नै बाँडिदेऊ!
आस्थाको लुगा, चप्पल वा दोसल्ला
उनीहरुलाई नै बाँडिदेऊ!
...
तर तिमी घर फर्किनुअघि
एउटा कथा सुनेर जाऊ राजकुमार!
आज तिम्रो पच्चीसौँ जन्मदिन जस्तै
मेरो पनि असीऔँ जन्मदिन हो!
मसँग असी वर्षसम्म कसैलाई सुनाउन नपाएको
जीवनको एउटा अजम्बरी कथा छ!
म मेरो समयलाई सुनाउन चाहन्थेँ यो कथा
तर सुन्दै नसुनी
मलाई बगरको एक्लो ढुङ्गो बनाएर
अँधेरी खोलाझैँ भागिरह्यो मेरो समय!
...
म आज तिमीलाई त्यही पुरानो कथा
जन्मदिनको उपहार दिन चाहन्छु!
म मेरो जीवनभरिको सपना
उपहार दिन चाहन्छु तिमीलाई!
म आज तिमीलाई सुनाउन चाहन्छु यो कथा!
तिम्रो देश यतिखेर बृद्धाश्रम बनिरहेको छ!
तिम्रो देशका हरेक घरहरु
रोइरहेका बृद्धाश्रम बनिरहेका छन् आज!
तर म तिमीलाई
मेरो समयको अर्कै कथा सुनाउन चाहन्छु!
...
राजकुमार!
के तिमी एकछिन धैर्य गरेर
सुन्न सक्छौ यो कथा?
...
‘उहिले एकादेशमा .................
उहिले एकादेशमा .................
उहिले एकादेशमा ................
.......................................................................!!’
...
उफ्!
आँखा खोलेर हेर्दा
तिमी पनि कतै भागिसकेछौ!!

प्रतिकृया दिनुहोस

विचार

ब्लग

  • मतगणना स्थलमा जे देखियो मतगणना स्थलमा जे देखियो

    सयौं मतपत्र यस्ता थिए, जसमा ल्याप्चे लगाएर भोट हालिएको थियो। पार्टीका उम्मेदवारलाई भोट हालिसकेपछि सोही पदमा उठेका स्वतन्त्र उम्मेदवारलाई पनि भोट हालिएको धेरै पाइयो। जस्तो, रुख वा सूर्य चिह्नमा भोट हालेपछि क्यामरा वा इस्टकोट चिह्नमा मत हाल्नेको संख्या हजारौं थियो।
     

    मानवी पौडेल

  • बालबालिकाहरुमा लुकेको संबेदनशील समस्या ‘थाइराइडको समस्या’ बालबालिकाहरुमा लुकेको संबेदनशील समस्या ‘थाइराइडको समस्या’

    बिश्वमा करिब २०० मिलियन भन्दा बढी मानिसहरुमा थाइराइडको कारण बिरामी हुने गरेको पछिल्लो तथ्याङ्कहरुले देखाएका छन्। यो समस्या मध्ये ५० प्रतिशत बिरामीहरुको जनचेतना नभएको देखिएको छ। बिश्वको जनसंख्याको करिब ३० प्रतिशत मानिसहरु आयोडिन कमी भएका क्षेत्रमा बसोबास गर्ने गरेको अध्ययनहरुले देखाएको छ।

    डा. बिनोद कुमार साह

  • अमेरिकामा तालिम अमेरिकामा तालिम

    (तिब्बतबाट नेपाल आएपछि गोम्पोले पुनः विवाह गरे। सन् २००८ मा पनि मैले उनलाई भेटेको थिएँ। तिब्बती संस्कारमा मृतक व्यक्तिको नाम नभन्ने चलन छ। त्यो कुरा मलाई त्यतिबेलासम्म थाहा थिएन, थाहा भएको भए सोध्ने पनि थिइनँ। तिब्बती संस्कार थाहा पाएपछि मैले तिब्बतीसँग कुरा गर्दा नाम बताउन मिल्ने भए मात्र बताउनु होला भन्ने गरेको छु। गोम्पोले मृतक आमा र छोरीको नाम बताउँदा आँखाभरि आँसु लिएका थिए। मैले उनको पुरानो घाउ कोट्याएर दुःख दिएँ। मेरै कारण टलपलाएको थियो गोम्पोको आँखामा आँसु। क्षमा गर साङ्गे गोम्पो!)

    श्रीभक्त खनाल

साहित्यपाटी

  • प्रेम, प्लाष्टिकको फूल र बिबाह प्रेम, प्लाष्टिकको फूल र बिबाह

    प्रेमको पनि सिधा अर्थ छ यदि कोही तपाईलाई राम्रो लाग्यो भने वा तपाईँपनि कसैलाई राम्रो लाग्यो भने प्रेम हुन्छ। यस्तो प्रेमको आधार कुनै रगतको सम्बन्ध हुँदैन। कुनै सात राउण्ड जग्गेको सम्बन्ध वा रोजगारको वाध्यता केही हुन्न। केवल इमान्दार र साँचो प्रेम मात्र हुन्छ। बिना लेनदेन प्रेमको नशा उच्चतम हुन्छ।

    महेन्द्र पौडेल

  • वैंशालु मन वैंशालु मन

    'राम्रै मान्छेको हातबाट खान पाएर पनि होला, तामाको अँखोराको पानी मीठो हगी!' एउटाले मुख मिठ्यायो। 'बैँशमा त स्याल पनि घोर्ले हुन्छ भन्छन्। तर यो घोर्ल्याइँ केटा भन्दा केटीमा बढी हुन्छ, किन होला? बैँशालु केटीको छाला नरम, अनुहार उज्यालो र शरीर पनि बान्की पारेको हुन्छ। रुपै नभएका भनिनेहरु पनि केही हदसम्म ध्यान खिच्ने खाल का हुन्छन्। केटाहरुलाई चाँही राम्रो कुराले हतपती पत्याउँदैन। प्रकृतिले नै केटीहरुको केही न केही पक्षपोषण गरेकै हुन्छ।' अर्को जान्ने पल्टियो।

  • मृत्युको सौन्दर्य मृत्युको सौन्दर्य

    मृत्युसँग पनि 
    सौन्दर्यको आयामहरु हुँदोरैछ

    जस्तो कि-
    चुँडिएपछि सयपत्री गलामा झुण्डिन्छ
    चुँडिएपछि लालीगुराँस शिरमा अल्झिन्छ

    नवीन प्यासी

पाठक विचार

  • राजीनामाले उज्यालियो दाहालको छवि

    लोडसेडिङ अन्त्य, ओबरमा हस्ताक्षर, फास्ट ट्रयाक लगायतका राम्रा काम दाहाल नेतृत्वको सरकारले अघि बढाएको छ। तिनको सह्राना गर्न कन्जुस्याईं गर्न हुँदैन। मुख्य कुरा यदि दाहालको राजीनामाभित्र कुनै भित्री खेलहरु सम्मिलित छैनन् भने उहाँको यो कदम अत्यन्त प्रशंसनीय छ। साथै दाहालले आफ्नो कद उँचो गर्ने अवसर सहर्ष सदुपयोग गर्नुभएको छ। वचनमा ढुक्क बन्न नसकिने मानिस भनेर चिनिने उहाँको छवि उजिल्याएको छ।

    कल्पना भट्टराई

लोकप्रिय

सिफारिस

सूचनापाटी

छापाबाट

  • सरकारी टेलिफोन नम्बर व्यक्तिका नाममा दर्ता
  • दुबईमा नेपाली युवतीको हत्या
  • राजपामा चर्को विवाद
  • पारस खड्कासहित दर्जन बढी खेलाडीलाई सशस्त्रले हटायो
  • बूढीगण्डकी चिनियाँ कम्पनी सीजीजीसीलाई
  • पराजुलीविरुद्ध रिट हाल्ने गिरी सम्पर्कविहीन
  • यसकारण ओलीको प्रस्तावमा स्थगित भयो बैठक
  • देउवा सरकारमा राप्रपालाई ४ मन्त्रालय
  • प्रधानन्यायाधीशको दु:खेसो – ‘राम्रो गरेको कसैले सहँदो रहेनछ’
  • राजपा निर्वाचन आयोगमा