देउवालाई झन्डै दुई तिहाइ सांसदको समर्थन

  • Get News Alerts

नयाँ प्रधानमन्त्रीका लागि नेपाली कांग्रेसका सभापति शेरबहादुर देउवालाई झण्डै दुई तिहाइ सांसदले समर्थन गरेका छन्। आइतबार संघीय समाजवादी फोरम र राष्ट्रिय प्रजातन्त्र पार्टीले देउवालाई समर्थन गर्न निर्णय गरेपछि संसदमा रहेका करिब ६२ प्रतिशत सांसदले देउवाका पक्षमा मतदान गर्ने भएका हुन्। आज मात्र देउवालाई समर्थन गर्ने निर्णय गरेका फोरमका १५ र राप्रपाका ३७ सांसद छन्।

हिजोसम्म देउवालाई कांग्रेसका २०७, माओवादीका ८२, नेपाल लोकतान्त्रिक फोरमका १७, नेकपा संयुक्तका ३, अन्य साना दलका ५ र एक जना स्वतन्त्र सांसदको समर्थन थियो। फोरम र राप्रपाको पनि समर्थन भएपछि देउवाका पक्षमा ३६७ सांसद भएका छन्।

२४ जना सांसद रहेको राष्ट्रिय जनता पार्टीले पनि देउवाले समर्थन गर्ने सम्भावना छ। यद्यपी सो दलले अहिलेसम्म निर्णय गरिसकेको छैन।

अहिले संसदमा ५९३ सांसद छन्। बहुमतको सरकार बनाउन २९८ सांसदको समर्थन चाहिन्छ। देउवाको विपक्षमा एमालेका १८१ सहित १९२ जना सांसद छन्। मजदुर किसान पार्टी लगायत अन्य ८ सांसदले अझै देउवालाई समर्थन गर्ने/नगर्ने बारे निर्णय गरिसकेका छैनन्।

संसदमा शनिबार प्रधानमन्त्रीका लागि देउवाले उम्मेदवारी दर्ता गराएका छन्।

आइतबार संसदले नयाँ प्रधानमन्त्री छान्ने कार्यसूची भएपनि प्रमुख प्रतिपक्षी एमालेको अनुरोधमा संसद बैठक मंगलबारसम्म स्थगित भएको छ।

प्रतिकृया दिनुहोस

थप समाचार

  • एमालेको आग्रहपछि प्रधानमन्त्री निर्वाचनको कार्यतालिका सर्‍यो

    एमालेको आग्रहपछि प्रधानमन्त्री निर्वाचनको कार्यतालिका सर्‍यो

    प्रमुख बिपक्षी दल नेकपा एमालेको आग्रहपछि प्रधानमन्त्री निर्वाचन मंगलबारका लागि सरेको छ। प्रधानमन्त्री निर्वाचनका लागि बिहान एघार बजे बोलाइएको बैठक तीन बजेसम्मको लागि स्थगित भएको थियो।

  • थापा ‘अल्पमत’ मा परेपछि देउवालाई समर्थन गर्ने राप्रपाको निर्णय

    थापा ‘अल्पमत’ मा परेपछि देउवालाई समर्थन गर्ने राप्रपाको निर्णय

    तीन नेताहरूले बोलेपछि अध्यक्ष थापाले कुरो बुझियो भन्दै आफू बोल्न थालेका थिए। ‘पार्टीका धेरै नेता तथा सांसद प्रधानमन्त्रीमा देउवालाई समर्थन गर्ने पक्षमा भएपछि थापा अल्पमतमा पर्नुभयो’, ती सांसदले भने, ‘अनि उहाँले पार्टीभित्र सधैँ अल्पमत र बहुमत भन्ने कुरा राखिरहन नहुने भन्दै पार्टीले देउवालाई नै समर्थन गर्ने निर्णय सुनाउनुभयो।’

  • गगन थापाले भने- मलाई पानी दिने दाइ-दिदीलाई धन्यवाद

    गगन थापाले भने- मलाई पानी दिने दाइ-दिदीलाई धन्यवाद

    यसबीच थापासँग नमस्ते आदानप्रदानबाहेक उनीहरुको दोहोरो कुराकानी भएको होइन। पानी ल्याइदिने र रित्तो गिलास उठाउने मात्र। आइतबार भने एउटा फरक घटना भएछ। भिमलाल बिहानै पानीको गिलास लिएर मन्त्री थापाको कोठामा गएका थिए। थापाले उनलाई नियालेर हेरेछन्। त्यसअिघ सधैं काममा घोत्लिरहने थापाले आफूलाई त्यस्तरी चासो दिएर हेरेकोमा खुसी लागेको उनले बताए।

  • राप्रपाले प्रधानमन्त्रीमा देउवालाई समर्थन गर्ने

    राप्रपाले प्रधानमन्त्रीमा देउवालाई समर्थन गर्ने

    राष्ट्रिय प्रजातन्त्र पार्टीले प्रधानमन्त्रीमा नेपाली कांग्रेसका सभापति शेरबहादुर देउवाका पक्षमा मतदान गर्ने भएको छ। यस विषयमा निर्णय गर्न सो पार्टीको संसदीय दलको बैठक अहिले बानेश्वरस्थित संसद भवनमा जारी छ। 

  • प्रधानमन्त्री निर्वाचनको कार्यतालिका प्रभावित, संसद बैठक मंगलबारसम्म स्थगित

    भरतपुर महानगरपालिका– १९ मा पुन: मतदान गर्ने निर्णयप्रति असन्तुष्टि जनाउँदै प्रमुख विपक्षी एमालेले संसद अबरोध गर्ने भएपछि प्रधानमन्त्री निर्वाचन कार्यतालिका नै प्रभावित भएको छ ।

    एमालेले संसद अबरोध गर्ने स्पष्ट पारेपछि बिहान ११ बजेका लागि बोलाइएको बैठक मंगलबार सम्म स्थगित गरिएको छ।