ललितपुरमा कांग्रेस, काठमाडौं र पोखरामा एमाले, चितवन रोकियो

SAMSUNG
  • Get News Alerts

baleno
के छ महानगरको पछिल्लो अवस्था
tata

ललितपुर महानगरपालिकाको प्रमुखमा नेपाली कांग्रेसले अग्रता कायमै राखेको छ। प्रमुखमा कांग्रेसका चिरिबाबु महर्जनले अहिलेसम्म १२ हजार ९ सय २७ मत पाएका छन् भने उनलाई नेकपा (एमाले)का हरिकृष्ण ब्यञ्जनकारले ११ हजार ५५८ मतसहित पछ्याइरहेका छन्।

एकदमै ढिलो गरी आइरहेको मत परिणाम अब केही बेरमा सार्वजनिक हुने निर्वाचन अधिकृतले जानकार दिए। केही बेर विवाद भएपछि पुन सुरू भएको मतगणना अहिले वडा नम्बर १३, १४ र १५ को गणना भइरहेको छ।

त्यस्तै काठमाडौं महानगरपालिकामा राति १२:४० बजेसम्मको मतगणनाअनुसार नेकपा (एमाले) को अग्रता कायमै छ ।

प्रमुखमा एमालेका विद्यासुन्दर शाक्य १३ हजार ५ सय ५३ मतसहित अग्रस्थानमा छन् भने उनलाई नेपाली कांग्रेसका राजुराज जोशीले ९ हजार ४ सय ४९  मतले पछ्याइरहेका छन्।

त्यसैगरी विवेकशील नेपाली दलका रञ्जु न्यौपानेले ५ हजार ५ सय ७ मत र साझा पार्टीका किशोर थापाले ४ हजार २०८ मत प्राप्त गरेका छन्।

त्यस्तै उपप्रमुखमा कांग्रेसकी हरिप्रभा खड्गीले अग्रता लिइरहेकी छन्।

काठमाडांमा हालसम्म करिब ४० हजार मत गनिइसकेको निर्वाचन अधिकृतले जानकारी दिएका छन्।

यस्तै पोखरा महानगरपालिमा नेकपा एमालेले अग्रता कायमै राखेको छ। भर्खरै सार्वजनिक भएको पछिल्लो मत परिणाम अनुसार नेकपा एमालेका उम्मेद्वा मानबहादुर जिसीले १५ हजार १ सय २९ मतसहित अग्रता लिइरहेका छन्। यस्तै नेपाली कांग्रेसका रामजी कुँवरले १४ हजार ४ सय ५५ मतसहित उनलाई पछ्याइरहेका छन्।

यस्तै राप्रपाकी गीता गुरूङले ७५१ मत पाउँदा नयाँ शक्ति/फोरमका संयुक्त उम्मेद्वार हुम गुरूङले १२८३ मत पाएका छन्।

यस्तै उपमेयरमा पनि एमालेको अग्रता कायमै छ। एमालेकी उम्मेद्वार मञ्जु  गुरूङले १४ हजार १ सय ४३ मत सहित शीर्ष स्थानमा छन् भने उनलाई नेपाली कांग्रेसकी उम्मेद्वार सरस्वती गुरूङले पछ्याइरहेकी छन्।

माओवादी केन्द्रकी गोमा ढकालले २१९७ मत पाउँदा  राप्रपाका रमेश खत्रीले ८२३ मत पाएका छन्। नयाँ शक्तिका लक्ष्मी खातीले ३८३ मत पाएकी छन्।

उता भरतपुरमा भने निर्वाचन अधिकृतले धाँधली गरेको भन्दै कांग्रेस, माओवादी र राप्रपाले मतगणना बहिस्कार गरेका छन्। मत गणना सूचारू गर्ने विषयमा दलहरूबीच सहमति नभएपछि अहिले भरतपुर महानगरपालिकाको मतगणना अवरुद्ध भएको छ ।

मतगणना बहिस्कार गर्दै कांग्रेस–माओवादी गठबन्धनले निर्वाचन अधिकृतले धाँधली गरेको भन्दै राजीनामासमेत मागेका छन्।

पत्रकार सम्मेलनमा नेपाली कांग्रेसका चितवन जिल्ला सभापति जितनारायण श्रेष्ठले पटक–पटक त्रुटीपूर्ण परिणाम सार्बजनिक गरेर निर्वाचन अधिकृत कविप्रसाद न्यौपानेले धाँधली गर्न खोजेको आरोप लगाए।  उनले मतगणना स्थलमा गणकले गरेको टिपोट र निर्वाचन अधिकृतले कम्प्युटरमा इन्ट्री गरेर प्रिन्ट गरेको रिपोर्ट फरक–फरक देखिएको दाबी गरे।

वडा नम्बर चार, सात र नौ नम्बरको मत परिणाम सार्बजनिक गर्दा फरक–फरक तथ्यांक सार्बजनिक गरिएको उनले आरोप लगाएका थिए।

सुरुमा वडा नम्बर चारको मतगणना सार्बजनिक गर्दा नेपाली कांग्रेसका उम्मेदवार विजयी भएको भनिएको थियो । कांग्रेसले विजय उत्सव मनाउन कार्यकर्ताहरुलाई भेला पारेको थियो तर त्यसको केहीबेरमै एमालेका उम्मेदवार सात मतको अन्तरमा विजयी भएको घोषणा गरिएपछि कांग्रेस नेता–कार्यकर्ताहरुको आक्रोश बढेको थियो ।

वडा नम्बर सातको मत परिणाम सार्बजनिक गर्दा पनि उम्मेदवारको प्रतिनिधिको टिपोट विपरित कम्प्युटर प्रिन्ट गरेर निकालेको तथ्यांक फरक देखिए श्रेष्ठले बताए।

त्यस्तै वडा नम्बर नौको मत परिणाम पनि त्यसैगरी फरक भएको भन्दै कांग्रेस–माओवादी नेताहरू मत परिणाम नस्वीकार्ने भि गणनास्थल छोडेका हुन्।

आयोगले सार्वजनिक गरेको पछिल्लो गणनामा एमालेका उम्मेदवार देवी ज्ञवालीको १५ हजार १ सय ५५ र माओवादीकी उम्मेदवार रेणु दाहालको १४ हजार ८ सय ९ मत छ। उनीहरूले ९ नम्बर वडाको गणनापछि  रेणु दाहालले ५ सय मतले अग्रता लिनुपर्नेमा उल्टै ३ सय बढी मतले पछि पर्ने गरी तथ्यांक सार्बजनिक गरिएको भन्दै आक्रोश पोखेका छन्।

यसैबीच कांग्रेस, माओवादी र राप्रपाका कार्यकर्ताहरुले यो वडाको मत गणना फेरि गन्नुपर्ने माग गर्दै आएका छन्। फेरि गणना नगरेसम्म आफूहरूले यो परिणाम न स्वीकार्ने नेताहरूले दाबी गरे।

 

hundai
national
nic
mahindra
nic asia

प्रतिकृया दिनुहोस

थप समाचार

  • बाढीपीडित किसानका निम्ति भदौ १० भित्रै विशेष राहत प्याकेज ल्याइनेछः मन्त्री यादव

    बाढीपीडित किसानका निम्ति भदौ १० भित्रै विशेष राहत प्याकेज ल्याइनेछः मन्त्री यादव

    कृषि विकासमन्त्री रामकृष्ण यादवले बाढीले कृषि क्षेत्रमा धेरै क्षति गराएको भन्दै आगामी भदौ १० भित्रै विशेष राहत प्याकेज घोषणा गर्ने बताएका छन्।

  • पत्रकार महासंघमा राजनीतिकरण भयोः एमाले अध्यक्ष ओली

    नेकपा एमाले अध्यक्ष केपी ओलीले नेपाली कांग्रेस र माओवादी केन्द्रले पत्रकार महासंघलाई राजनीतिकरण गरेको आरोप लगाएका छन्। नेपाल पत्रकार महासंघको २५ औं महाधिवेशनको पुर्वसन्ध्यामा प्रेस चौतारी नेपालले शनिबार राजधानीमा गरेको भेलालाई सम्बोधन गर्दै अध्यक्ष ओलीले यस्तो आरोप लगाएका हुन्।

  • नेता नेपाल स्वदेश फर्किए

    नेता नेपाल स्वदेश फर्किए

    नेकपा एमालेका वरिष्ठ नेता माधव कुमार नेपालले बैज्ञानिक आधारमा निर्वाचन क्षेत्र निर्धारण हुनुपर्ने बताएका छन्। उत्तर कोरियाको भ्रमण सकेर शनिबार फर्किएका नेता नेपालले त्रिभुवन अन्तर्राष्ट्रिय विमानस्थलमा पत्रकारसँग कुरा गर्दै यसअघि २ सय ५ वटा निर्वाचन क्षेत्र निर्धारण गर्दाका आधारहरुलाई टेकेर बैज्ञानिक ढंगले क्षेत्र निर्धारण गर्नुपर्ने धारणा राखेका हुन्।

  • 'माया भरिएको बाल्टिन' लिएर गगन थापा बाढी प्रभावित क्षेत्रमा

    'माया भरिएको बाल्टिन' लिएर गगन थापा बाढी प्रभावित क्षेत्रमा

    बाढी प्रभावितका निम्ति राहत संकलन अभियान चलाएका नेपाली काँग्रेसका केन्द्रीय सदस्य राहत वितरण गर्दै प्रभावित क्षेत्र पुगेका छन्। 'माया भरिएको बाल्टिन' अभियानमार्फत संकलन गरिएका राहत सामाग्री लिएर गगन थापाको नेतृत्वमा वितरण टोली झापा, मोरङ, सुनसरी, रौतहट, सिराहा, धनुषा गएका हुन्। 

  • भारतमा पक्राउ परेका युवकलाई रिहा गर्न नेता खनालको आग्रह

    भारतमा पक्राउ परेका युवकलाई रिहा गर्न नेता खनालको आग्रह

    आमाको उपचारमा भारत गएका नेपाली युवकलाई भारतीय प्रहरीले पक्राउ गरेपछि पूर्वप्रधानमन्त्री झलनाथ खनालले तत्काल रिहाइको माग गरेका छन्। नेकपा एमालेका वरिष्ठ नेता पूर्वप्रधानमन्त्री खनालले पक्राउ परेका इलाम सूर्योदय नगरपालिका–१० का २७ वर्षीय उदयहाङ फागो निर्दोष रहेकाले रिहाइको पहल गरिदिन भारतका लागि नेपाली राजदूत दीपकुमार उपाध्यायसँग शुक्रबार टेलिफोन वार्ता गरेका खनालका स्वकीय सचिव कृष्ण भट्टराईले जानकारी दिए।