सरकारले भन्यो- मन्त्रिपरिषदले हिंसात्मक घटनाका दोषीलाई माफी दिएको वा मुद्दा फिर्ता लिएको छैन

SAMSUNG
  • Get News Alerts

baleno
tata

सरकारले तराई आन्दोलनका क्रममा भएका आपराधिक घटनामा संग्लग्न व्यक्ति विरूद्धका मुद्दा फिर्ता लिने निर्णय नगरेको बताएको छ। ‘छापा तथा सामाजिक सन्जालमा सरकारले आन्दोलनका क्रममा भएका जघन्य अपराध सम्वन्धी मुद्दा फिर्ता लियो भन्ने हल्ला चल्यो, जुन गलत हो,’ सूचना तथा सञ्चारमन्त्री सुरेन्द्र कार्कीले सेतोपाटीसँग भने, ‘त्यो नियोजित प्रचार हो। सरकारले त्यस प्रकारका कुनै मुद्दा फिर्ता लिने वा आम माफी दिने निर्णय गरेको छैन।’

हिजो बसेको मन्त्रिपरिषदको बैठकले तराई आन्दोलनका क्रममा भएका हिंसात्मक घटनामा संग्लग्न विरुद्ध मुद्दा फिर्ता लिएको भन्दै त्यसको विरोध भएको थियो।

मन्त्री कार्कीका अनुसार मन्त्रिपरिषदले मधेश तथा थरुहट आन्दोलनलाई ‘राजनीतिक आन्दोलन’ भएको आधिकारिक रूपले स्वीकार गरेको चाहीँ हो।

‘त्यसको अर्थ हिंसात्मक घटनामा संग्लग्न नभएका तर आन्दोलनसँग जोडिएका कार्यकर्तामाथि कानुनी कारबाही हुनुहुँदैन भन्ने हो,’ सरकारका प्रवक्ता समेत रहेका मन्त्री कार्कीले भने, ‘जघन्य किसिमका मुद्दामा संग्लग्नलाई माफी दिने कुरा आउँदैन।’

उनका अनुसार आन्दोलनका क्रममा भएका आपराधिक घटनामा निर्दोष व्यक्ति समेत मुछिएका र पक्राउ परेका गुनासाहरु सरकारले प्राप्त गरेको थियो।

उनले भने – ‘नाम मिलेको आधारमा वा शान्तिपूर्ण ढंगले भाग लिएका व्यक्ति वा कार्यकर्तालाई आपराधिक मुद्दा लागेको भए त्यस्ता मुद्दाहरू फिर्ता लिन सरकारले पहल लिएको हो।’ 

हिजोको मन्त्रिपरिषदको निर्णय बमोजिम कानुन मन्त्रालयले गृह मन्त्रालयसँग समन्वयन गरेर एक प्रतिवेदन तयार गर्नेछ र त्यसलाई मन्त्रिपरिषद्मा पेश गर्ने छ।

‘उक्त प्रतिवेदनमाथि छलफल पछि मात्र कुन मुद्दा फिर्ता लिने र कुन मुद्दा फिर्ता नलिने भन्ने बारे मन्त्रिपरिषदले निर्णय लिनेछ,’ कार्कीले भने, ‘हिजो मन्त्रिपरिषद बैठकले आम माफी दिएको छैन र कुनै मुद्दा फिर्ता लिएको पनि छैन, उक्त हल्ला प्रायोजित हो।’

तराईमा आन्दोलनका क्रममा आफ्ना ‘निर्दोष कार्यकर्ता’ विरुद्ध अपराधिक मुद्दा लगाइएको मधेशवादी दलहरुको दावी छ।

तराईमा सहज चुनावी वातावरण निर्माण गर्न सरकारले त्यस्ता मुद्दा फिर्ता लिनुपर्ने उनीहरुको माग छ।

नयाँ संविधान विरूद्ध भएको प्रदर्शनीमा प्रहरीको गोलीबाट तराइमा दर्जनौं आन्दोलनकारी मारिएका थिए। कैलालीको टिकापुरमा आन्दोलनकारीले पनि एकै दिन ७ प्रहरी र दुई वर्षीया बालकको हत्या गरेका थिए।

hundai
national
nic
mahindra
nic asia

प्रतिकृया दिनुहोस

थप समाचार

  • बाढीपीडित किसानका निम्ति भदौ १० भित्रै विशेष राहत प्याकेज ल्याइनेछः मन्त्री यादव

    बाढीपीडित किसानका निम्ति भदौ १० भित्रै विशेष राहत प्याकेज ल्याइनेछः मन्त्री यादव

    कृषि विकासमन्त्री रामकृष्ण यादवले बाढीले कृषि क्षेत्रमा धेरै क्षति गराएको भन्दै आगामी भदौ १० भित्रै विशेष राहत प्याकेज घोषणा गर्ने बताएका छन्।

  • पत्रकार महासंघमा राजनीतिकरण भयोः एमाले अध्यक्ष ओली

    नेकपा एमाले अध्यक्ष केपी ओलीले नेपाली कांग्रेस र माओवादी केन्द्रले पत्रकार महासंघलाई राजनीतिकरण गरेको आरोप लगाएका छन्। नेपाल पत्रकार महासंघको २५ औं महाधिवेशनको पुर्वसन्ध्यामा प्रेस चौतारी नेपालले शनिबार राजधानीमा गरेको भेलालाई सम्बोधन गर्दै अध्यक्ष ओलीले यस्तो आरोप लगाएका हुन्।

  • नेता नेपाल स्वदेश फर्किए

    नेता नेपाल स्वदेश फर्किए

    नेकपा एमालेका वरिष्ठ नेता माधव कुमार नेपालले बैज्ञानिक आधारमा निर्वाचन क्षेत्र निर्धारण हुनुपर्ने बताएका छन्। उत्तर कोरियाको भ्रमण सकेर शनिबार फर्किएका नेता नेपालले त्रिभुवन अन्तर्राष्ट्रिय विमानस्थलमा पत्रकारसँग कुरा गर्दै यसअघि २ सय ५ वटा निर्वाचन क्षेत्र निर्धारण गर्दाका आधारहरुलाई टेकेर बैज्ञानिक ढंगले क्षेत्र निर्धारण गर्नुपर्ने धारणा राखेका हुन्।

  • 'माया भरिएको बाल्टिन' लिएर गगन थापा बाढी प्रभावित क्षेत्रमा

    'माया भरिएको बाल्टिन' लिएर गगन थापा बाढी प्रभावित क्षेत्रमा

    बाढी प्रभावितका निम्ति राहत संकलन अभियान चलाएका नेपाली काँग्रेसका केन्द्रीय सदस्य राहत वितरण गर्दै प्रभावित क्षेत्र पुगेका छन्। 'माया भरिएको बाल्टिन' अभियानमार्फत संकलन गरिएका राहत सामाग्री लिएर गगन थापाको नेतृत्वमा वितरण टोली झापा, मोरङ, सुनसरी, रौतहट, सिराहा, धनुषा गएका हुन्। 

  • भारतमा पक्राउ परेका युवकलाई रिहा गर्न नेता खनालको आग्रह

    भारतमा पक्राउ परेका युवकलाई रिहा गर्न नेता खनालको आग्रह

    आमाको उपचारमा भारत गएका नेपाली युवकलाई भारतीय प्रहरीले पक्राउ गरेपछि पूर्वप्रधानमन्त्री झलनाथ खनालले तत्काल रिहाइको माग गरेका छन्। नेकपा एमालेका वरिष्ठ नेता पूर्वप्रधानमन्त्री खनालले पक्राउ परेका इलाम सूर्योदय नगरपालिका–१० का २७ वर्षीय उदयहाङ फागो निर्दोष रहेकाले रिहाइको पहल गरिदिन भारतका लागि नेपाली राजदूत दीपकुमार उपाध्यायसँग शुक्रबार टेलिफोन वार्ता गरेका खनालका स्वकीय सचिव कृष्ण भट्टराईले जानकारी दिए।