बरियताको विषयमा प्रधानमन्त्री दाहाल र गृहमन्त्री निधिबीच विवाद

  • Get News Alerts

कमल थापालाई दोस्रो बरियतामा राखे आफूले काम गर्न नसक्ने निधिको भनाई

मन्त्रिमण्डलमा वरियाताको विषयलाई लिएर प्रधानमन्त्री पुष्पकमल दाहाल र उपप्रधानमन्त्री विमलेन्द्र निधिबीच विवाद उत्पन्न भएको छ।

सात महिनाअघि गठन भएको माओवादी केन्द्रका अध्यक्ष दाहाल नेतृत्वको मन्त्रिमण्डलमा दोस्रो वरियतामा रहदै आएका उपप्रधान तथा गृहमन्त्री निधिभन्दा माथि राप्रपा अध्यक्ष तथा उपप्रधानमन्त्री कमल थापालाई राखिएपछि निधि र दाहालबीच विवाद बढेको हो।

उपप्रधानमन्त्री निधिले आइतबार प्रधानमन्त्री दाहाललाई भेटी आफूभन्दा माथिको वरियतामा थापालाई नराख्न र राखेमा यो आफूलाई स्वीकार्य नहुने जानकारी गराएको स्रोतले सेतोपाटीलाई बतायो।

कांग्रेस माओवादीबीच भएको सहमतिका आधारमा गठित सरकारमा सहभागी पहिलो ठूलो दल कांग्रेसको नेताको हैसियतले पनि आफू दोस्रो वरियतामा रहेकोमा अहिले आफ्नो अनुपस्थितिमा थापाको नाम माथि राखिएको भन्दै निधिले तत्काल सच्याउन दाहाललाई आग्रह गरेका थिए।

वर्तमान सरकार गठनको शुरूदेखि नै दोस्रो वरियतामा रहेका निधिले आफू यसअघि दुई पटक कार्यबहाक प्रधानमन्त्रीको रूपमा रहिसकेको र थापा केही दिन अघि मात्रै चौथो दलको नेताका रुपमा सहभागी भएको भन्दै अब आफूभन्दा माथि उनी हुनै नसक्ने दाबी गरेका थिए।

जवाफमा प्रधानमन्त्री दाहालले यस विषयमा थापासँग कुराकानी गर्ने जानकारी गराएका थिए।

सामान्य प्रचलनमा पहिले मन्त्री बनेको व्यक्तिको वरियताक्रममा माथि रहने गरे पनि माओवादी कांग्रेस सत्ता समिकरण पश्चात दुई दलबीच भएको सहमतिका आधारमा निधिभन्दा पहिले उपप्रधानमन्त्री बनिसकेका उपप्रधानमन्त्री महरालाई तेस्रो वरियतामा राखिएको थियो।

मन्त्रिपरिषद सचिवालयका एक अधिकारीले दिएको जानकारी अनुसार, यो सामान्य प्रचलनमा भन्दा पनि राजनीतिक सहमतिका आधारमा भएको व्यवस्था हो। यसको समाधान राजनीतिक नेतृत्वबीच नै सहमतिका आधारमा हुनुपर्ने ती अधिकारीले बताए।

यसअघि थापा र फोरम लोकतान्त्रिकका अध्यक्ष विजयकुमार गच्छेदारबीच एमाले अध्यक्ष केपी शर्मा ओली नेतृत्वको सरकारका पालामा पनि यस्तै भएको थियो। तर पछि सहमतिका आधारमा गच्छदारलाई थापाभन्दा माथि दोस्रो वरियतामा राखिएको थियो। 

मधेसी मोर्चाले सरकारलाई दिएको समर्थन फिर्ता हुने पक्कापक्की भएपछि सरकारको स्थिरतामा उब्जेको आशंका मेटाउन दाहालले थापालाई थप दुई मन्त्रालय दिँदै उपप्रधानमन्त्री बनाएका थिए।

त्यसपछि प्रधानमन्त्री तथा मन्त्रिपरिषदको कार्यालयको आधिकारिक वेभसाइटमा मन्त्रिपरिषदको कार्यविभाजन गर्दा निधिलाई दोस्रो वरियतामा राखिएको थियो। जसमा माओवादीका नेता तथा उपप्रधानमन्त्री कृष्णबहादुर महरालाई तेस्रो र थापालाई चौथो वरियतामा राखिएको छ।

तर निधि दिल्ली भ्रमणमा रहेका बखत गत बिहिबार बसेको मन्त्रिपरिषद बैठकमा थापाको नाम दोस्रो वरियतामा राखिएको थियो। भारत भ्रमणबाट फर्किए लगत्तै शनिबार अपरान्ह यस विषयमा जानकारी पाएका निधिले शनिबार नै यस विषयमा पार्टी सभापति शेरबहादुर देउवासँग कुरा गरेका थिए।

प्रधानमन्त्री दाहालसँग आफ्नो असहमति जनाए लगत्तै साँझ पार्टी सभापति देउवा निवासमा बसेको पदाधिकारी लगायत केही नेताहरु उपस्थित बैठकमा पनि निधिले उक्त विषयमा आफ्नो गुनासो राख्दै यसलाई नसच्याए आफू काम गर्न नसक्ने जानकारी गराएका थिए।

निधिको कुरा सुनेपछि सभापति देउवाले यस विषयमा प्रधानमन्त्री दाहालसँग सोमबार कुरा गर्ने बताएका थिए भने कांग्रेसका अरु नेताहरुले पनि सरकारमा कांग्रेस नेता निधिभन्दा माथिल्लो वरियतामा राप्रपाका थापालाई राख्ने कुरा स्वीकार्य नहुने धारणा राखेका थिए।

कांग्रेसका केही नेताहरुले थापालाई कांग्रेसका नेता निधिभन्दा माथि राख्ने दाहालको कदम कतै सत्तासमिकरण परिवर्तनको पूर्वाभ्यास त होइन भनि आशंका पनि व्यक्त गरेका थिए। 

प्रतिकृया दिनुहोस

थप समाचार

  • एमालेको आग्रहपछि प्रधानमन्त्री निर्वाचनको कार्यतालिका सर्‍यो

    एमालेको आग्रहपछि प्रधानमन्त्री निर्वाचनको कार्यतालिका सर्‍यो

    प्रमुख बिपक्षी दल नेकपा एमालेको आग्रहपछि प्रधानमन्त्री निर्वाचन मंगलबारका लागि सरेको छ। प्रधानमन्त्री निर्वाचनका लागि बिहान एघार बजे बोलाइएको बैठक तीन बजेसम्मको लागि स्थगित भएको थियो।

  • थापा ‘अल्पमत’ मा परेपछि देउवालाई समर्थन गर्ने राप्रपाको निर्णय

    थापा ‘अल्पमत’ मा परेपछि देउवालाई समर्थन गर्ने राप्रपाको निर्णय

    तीन नेताहरूले बोलेपछि अध्यक्ष थापाले कुरो बुझियो भन्दै आफू बोल्न थालेका थिए। ‘पार्टीका धेरै नेता तथा सांसद प्रधानमन्त्रीमा देउवालाई समर्थन गर्ने पक्षमा भएपछि थापा अल्पमतमा पर्नुभयो’, ती सांसदले भने, ‘अनि उहाँले पार्टीभित्र सधैँ अल्पमत र बहुमत भन्ने कुरा राखिरहन नहुने भन्दै पार्टीले देउवालाई नै समर्थन गर्ने निर्णय सुनाउनुभयो।’

  • गगन थापाले भने- मलाई पानी दिने दाइ-दिदीलाई धन्यवाद

    गगन थापाले भने- मलाई पानी दिने दाइ-दिदीलाई धन्यवाद

    यसबीच थापासँग नमस्ते आदानप्रदानबाहेक उनीहरुको दोहोरो कुराकानी भएको होइन। पानी ल्याइदिने र रित्तो गिलास उठाउने मात्र। आइतबार भने एउटा फरक घटना भएछ। भिमलाल बिहानै पानीको गिलास लिएर मन्त्री थापाको कोठामा गएका थिए। थापाले उनलाई नियालेर हेरेछन्। त्यसअिघ सधैं काममा घोत्लिरहने थापाले आफूलाई त्यस्तरी चासो दिएर हेरेकोमा खुसी लागेको उनले बताए।

  • देउवालाई झन्डै दुई तिहाइ सांसदको समर्थन

    देउवालाई झन्डै दुई तिहाइ सांसदको समर्थन

    हिजोसम्म देउवालाई कांग्रेसका २०७, माओवादीका ८२, नेपाल लोकतान्त्रिक फोरमका १७, नेकपा संयुक्तका ३, अन्य साना दलका ५ र एक जना स्वतन्त्र सांसदको समर्थन थियो। फोरम र राप्रपाको पनि समर्थन भएपछि देउवाका पक्षमा ३६७ सांसद भएका छन्।

  • राप्रपाले प्रधानमन्त्रीमा देउवालाई समर्थन गर्ने

    राप्रपाले प्रधानमन्त्रीमा देउवालाई समर्थन गर्ने

    राष्ट्रिय प्रजातन्त्र पार्टीले प्रधानमन्त्रीमा नेपाली कांग्रेसका सभापति शेरबहादुर देउवाका पक्षमा मतदान गर्ने भएको छ। यस विषयमा निर्णय गर्न सो पार्टीको संसदीय दलको बैठक अहिले बानेश्वरस्थित संसद भवनमा जारी छ।