शीर्ष नेताहरुले लोकमान नियुक्तिको जवाफ दिनुपर्ने सांसदको माग

  • Get News Alerts

नेकपा माओवादी केन्द्रका सांसदहरू रवीन्द्र प्रताप शाह, गोपाल गिरी र ल्यार्केल लामा व्यवस्थापिका संसदको क्यान्टिनमा खाजा खादै थिए। त्यही बेलामा राष्ट्रिय प्रजातन्त्र पार्टीका प्रमुख सचेतक दिलनाथ गिरी आइपुगे।

आइतबार सर्वोच्च  अदालतले लोकमानसिंह कार्कीलाई अख्तियार दुरुपयोग अनुसन्धान आयोगमा गरिएको नियुक्तिमा अयोग्य भएको फैसला बारे कुरा उठ्यो।

छलफलमा गिरीले लोकमानको नियुक्तिनै अवैध भएपछि उनलाई नियुक्ति गर्न सिफारीस गर्ने नेता के हुन्छन्? भनि प्रश्न राखे।

दिलनाथको भनाइलाई माओवादी केन्द्रका सांसद गोपाल गिरी र ल्यार्केल लामाले समर्थन गरे। अर्का सांसद रवीन्द्र शाहले सांसदहरुको भानाइप्रति मुस्कुराए तर केही बोलेनन्।

लोकमानसिंह कार्कीलाई सर्वोच्चले बदर गरेपछि कार्कीको नियुक्तिका लागि सिफारीस गर्ने नेताहरुले आत्मालोचना गर्न पर्ने कि नपर्ने भन्ने प्रश्न सर्बत्र उठेको छ।

कार्की विरुद्धको महाभियोग प्रस्तावमाथिको छलफलमा बोल्ने सांसदहरुले समेत शीर्ष नेताहरुले लोकमान नियुक्तिको जवाफ दिनुपर्नै माग राखेका थिए।

तर कुनै पनि पार्टीका शीर्ष नेताहरुले महाभियोग प्रस्ताव माथिको छलफलमा भाग लिएनन्।

महाभियोग प्रस्तावलाई महाभियोग सिफारिस समितिमा पठाउने संसदको निर्णय र लोकमान नियुक्तिलाई बदर गर्ने सर्बोच्च अदालतको निर्णय एकै दिन आएको छ।

कार्की नियुक्तिका लागि सिफारीस गर्ने नेताहरुको सर्बत्र आलोचना भए पनि सोमबारको संसद बैठकमा कुनै सांसदहरुले यो विषय उठाएनन्।

लोकमानको नियुक्ति नै गलत भएको थियो भनेर अब नेताहरुले जनतामाझ आत्मालोचना गर्नुपर्ने एमाले उपाध्यक्ष युवराज ज्ञवालीले सेतोपाटीलाई बताए ।

‘लोकमानको इतिहास समेत प्रष्ट थियो तर पनि उनलाई सिफारिस गरीयो,’ ज्ञवलीले भने, ‘अब यस्ता नियुक्ति गर्दा सम्बन्धीत विषयका बिज्ञलाई नियुक्त गर्नुपर्छ अनि नियुक्तिका लागि दस पटक सोच्नुपर्छ।’

आफ्नो पार्टीले त्यति बेलै लोकमानको नियुक्ति नगर्न राष्ट्रपतिलाई ज्ञापनपत्र बुझाएको पनि त्यसको सुनुवाई नभएको एमाले स्थायी कमिटी सदस्य अमृत कुमार बोहोराले सेतोपाटीलाई बताए।

‘राष्ट्रपतिले लोकमतको कदर गर्छु भन्नुभएको थियो,’ बोहोराले भने, ‘तर राष्ट्रपतिले कार्यालय समयभन्दा पनि पहिला सपथ गराएर लोकमानको कदर गर्नुभयो।’

नेपाली कांग्रेसका केन्द्रीय सदस्य एवं सांसद बद्री पाण्डेले प्रजातन्त्रमा गलत ढंगले भएका नियुक्ति सच्चिन सक्छन् भन्ने प्रमाणित भएको बताए।

‘सर्वोच्च अदालतले गरेको फैसलालाई नेताहरूले स्वागत गरेका छन् विरोध गरेका छैनन्,’पाण्डेले भने, ‘सार्वजनिक रुपमा आत्मालोचना गरे अझै राम्रो हुन्छ प्रजातन्त्रमा गल्ती स्वीकार्नु नै ठूलो कुरा हो।’

सर्वोच्चका फैसलाले नेताहरुलाई शिक्षा दिएको समेत पाण्डेले बताए।

प्रतिकृया दिनुहोस

थप समाचार

  • एमालेको आग्रहपछि प्रधानमन्त्री निर्वाचनको कार्यतालिका सर्‍यो

    एमालेको आग्रहपछि प्रधानमन्त्री निर्वाचनको कार्यतालिका सर्‍यो

    प्रमुख बिपक्षी दल नेकपा एमालेको आग्रहपछि प्रधानमन्त्री निर्वाचन मंगलबारका लागि सरेको छ। प्रधानमन्त्री निर्वाचनका लागि बिहान एघार बजे बोलाइएको बैठक तीन बजेसम्मको लागि स्थगित भएको थियो।

  • थापा ‘अल्पमत’ मा परेपछि देउवालाई समर्थन गर्ने राप्रपाको निर्णय

    थापा ‘अल्पमत’ मा परेपछि देउवालाई समर्थन गर्ने राप्रपाको निर्णय

    तीन नेताहरूले बोलेपछि अध्यक्ष थापाले कुरो बुझियो भन्दै आफू बोल्न थालेका थिए। ‘पार्टीका धेरै नेता तथा सांसद प्रधानमन्त्रीमा देउवालाई समर्थन गर्ने पक्षमा भएपछि थापा अल्पमतमा पर्नुभयो’, ती सांसदले भने, ‘अनि उहाँले पार्टीभित्र सधैँ अल्पमत र बहुमत भन्ने कुरा राखिरहन नहुने भन्दै पार्टीले देउवालाई नै समर्थन गर्ने निर्णय सुनाउनुभयो।’

  • गगन थापाले भने- मलाई पानी दिने दाइ-दिदीलाई धन्यवाद

    गगन थापाले भने- मलाई पानी दिने दाइ-दिदीलाई धन्यवाद

    यसबीच थापासँग नमस्ते आदानप्रदानबाहेक उनीहरुको दोहोरो कुराकानी भएको होइन। पानी ल्याइदिने र रित्तो गिलास उठाउने मात्र। आइतबार भने एउटा फरक घटना भएछ। भिमलाल बिहानै पानीको गिलास लिएर मन्त्री थापाको कोठामा गएका थिए। थापाले उनलाई नियालेर हेरेछन्। त्यसअिघ सधैं काममा घोत्लिरहने थापाले आफूलाई त्यस्तरी चासो दिएर हेरेकोमा खुसी लागेको उनले बताए।

  • देउवालाई झन्डै दुई तिहाइ सांसदको समर्थन

    देउवालाई झन्डै दुई तिहाइ सांसदको समर्थन

    हिजोसम्म देउवालाई कांग्रेसका २०७, माओवादीका ८२, नेपाल लोकतान्त्रिक फोरमका १७, नेकपा संयुक्तका ३, अन्य साना दलका ५ र एक जना स्वतन्त्र सांसदको समर्थन थियो। फोरम र राप्रपाको पनि समर्थन भएपछि देउवाका पक्षमा ३६७ सांसद भएका छन्।

  • राप्रपाले प्रधानमन्त्रीमा देउवालाई समर्थन गर्ने

    राप्रपाले प्रधानमन्त्रीमा देउवालाई समर्थन गर्ने

    राष्ट्रिय प्रजातन्त्र पार्टीले प्रधानमन्त्रीमा नेपाली कांग्रेसका सभापति शेरबहादुर देउवाका पक्षमा मतदान गर्ने भएको छ। यस विषयमा निर्णय गर्न सो पार्टीको संसदीय दलको बैठक अहिले बानेश्वरस्थित संसद भवनमा जारी छ।