किशोर थापाजीलाई खुलापत्र

  • Get News Alerts

प्रिय किशोरजी,

सर्वप्रथम त तपाई काठमाण्डौ महानगरपालिकामा मेयरको रुपमा खडा हुन लाग्नु भएको सुन्दा खुशी लाग्यो। हुन त हाम्रो व्यक्तिगत परिचय छैन तर तपाई नेपाल सरकारको विभिन्न पदमा आसीन हुदा गर्नु भएको राम्रा कामहरुबारे मैले जानकारी राख्ने गरेको छु। शायद नेपाल सरकारमा तपाई जस्तो काबिल र स्वच्छ छविको व्यक्तिको खडेरी नै छ भन्दा हुन्छ।

तपाईले बेलाबखतमा आफुलाई काम गर्दा राजनैतिक दबाबले गर्दा पूर्ण व्यवसायिकतामा रहेर काम गर्नु कठिनाई भएको कुरासंग म शत प्रतिशत सहमत छु। पछिल्ला समयमा तपाईले बागमती सफाई अभियानमा पुराउनु भएको योगदानबाट पनि म अनभिज्ञ छैन। असाधारणीय वौद्धिक क्षमताका धनी र तपाई जस्तो अनुभवी व्यक्ति राजनीतिमा प्रवेश गरेर काठमाण्डौको अवस्थामा सुधार ल्याउने तपाईको लक्ष्यलाई म शतप्रतिशत सर्मथन गर्छु।

कान्तिपुर टि.भी. को ‘‘सरोकार’’ कार्यक्रममा तपाईले व्यक्त गर्नु भएको स्पष्ट विचार र सोचबाट म ज्यादै नै प्रभावित भएको छु। मलाई विश्वास छ उक्त कार्यक्रम हेर्ने अधिकांश दर्शक तपाईको प्रस्तुतीकरणबाट प्रभावित भएका छन्। तपाईको विचार सुन्दा तपाई पद र शक्ति भन्दा पनि केही गरौ भन्ने भावनाले बढी पे्ररित हुनु भएको जस्तो लाग्छ। नेपाल सरकारको सचिव भइ निवृत भएका व्यक्तिलाई पद ठूलो कुरा होइन। मलाई लाग्छ तपाई समाज बदल्न चाहनु हुन्छ। आफ्नो ज्ञान र अनुभवबाट काठमाण्डौको मुहार फेर्न चाहनु हुन्छ। यसमा तपाईलाई मेरो शुभकामना छ।

उक्त ‘‘सरोकार’’ कार्यक्रम हेर्दा मेरो मनमा के विचार पनि आयो भने तपाईसंग चुनाव लड्ने तपाई र मेरो उमेरको हिसाबले छोरीको उमेरकी रन्जु पनि छिन्। मैले व्यक्तिगत रुपमा रन्जुलाई भेटेको पनि छैन र मेरो विवेकशील नेपालीसंग कुनै सम्बन्ध पनि छैन। सरोकार कार्यक्रमको प्रस्तोताले रन्जु र तपाईको भोट काटिने संभावना बारे प्रश्न गर्दा तपाईले आफू मेयर र उनलाई उपमेयरको प्रस्ताव गरेको खुलासा गर्नु भयो। मेरो विचारमा यो पनि त्यति नराम्रो प्रस्ताव होइन तर खोई विवेकशील किन मानेन, मलाई यसबारे जानकारी छैन।

तपाईको स्वच्छ छवि, अनुभव र ज्ञानलाई हामी सबैले आदर गरेको छौ। अब तपाई एक कदम अघि बढेर आफू उपमेयरमा अनि रन्जुलाई मेयरमा उठ्न राजि हुनु भयो भने यो जस्तो ऐतिहासिक काम नेपालको राजनितिमा अरु कुनै हुने छैन। यसो गर्दा तपाईको कद मात्र बढ्ने होइन की हाम्रो राजनितिज्ञहरुलाई गतिलो झापड पनि हुनेछ। राजनितिमा भर्खर प्रवेश गरेकी रन्जुलाई मेयर पदमा निर्वाचित गराएर उनीलाई मार्गदर्शन गर्ने भूमिकामा तपाई रहनु भयो भने निश्चय नै नेपालको राजनैतिक इतिहासमा यो एउटा नयाँ प्रयोग हुनेछ। अरुले पनि यसबाट पाठ सिक्ने छन्। नयाँ पुस्तालाई राजनितिमा स्थान दिन यो कोशेढुंगा साबित हुनेछ। मलाई के पनि विश्वास छ भने वैकल्पिक राजनैतिक शक्ति खोजिरहेका काठमाण्डौबासीहरुले तपाईहरुलाई अवश्य विजय गराउने छन्।

तपाईको हितेषीको रुपमा यी सुझावहरु दिएको छु। यसलाई ग्रहण गर्ने वा नगर्ने तपाईको व्यक्तिगत निर्णय हो। अन्तमा तपाईले जे निर्णय गर्नु भए पनि तपाईको सफलताको कामना गर्दछु।

तपाईको सुभेच्छुक
शैलेन्द्र सिग्देल
काठमाण्डौ

प्रतिकृया दिनुहोस

विचार

ब्लग

  • मतगणना स्थलमा जे देखियो मतगणना स्थलमा जे देखियो

    सयौं मतपत्र यस्ता थिए, जसमा ल्याप्चे लगाएर भोट हालिएको थियो। पार्टीका उम्मेदवारलाई भोट हालिसकेपछि सोही पदमा उठेका स्वतन्त्र उम्मेदवारलाई पनि भोट हालिएको धेरै पाइयो। जस्तो, रुख वा सूर्य चिह्नमा भोट हालेपछि क्यामरा वा इस्टकोट चिह्नमा मत हाल्नेको संख्या हजारौं थियो।
     

    मानवी पौडेल

  • बालबालिकाहरुमा लुकेको संबेदनशील समस्या ‘थाइराइडको समस्या’ बालबालिकाहरुमा लुकेको संबेदनशील समस्या ‘थाइराइडको समस्या’

    बिश्वमा करिब २०० मिलियन भन्दा बढी मानिसहरुमा थाइराइडको कारण बिरामी हुने गरेको पछिल्लो तथ्याङ्कहरुले देखाएका छन्। यो समस्या मध्ये ५० प्रतिशत बिरामीहरुको जनचेतना नभएको देखिएको छ। बिश्वको जनसंख्याको करिब ३० प्रतिशत मानिसहरु आयोडिन कमी भएका क्षेत्रमा बसोबास गर्ने गरेको अध्ययनहरुले देखाएको छ।

    डा. बिनोद कुमार साह

  • अमेरिकामा तालिम अमेरिकामा तालिम

    (तिब्बतबाट नेपाल आएपछि गोम्पोले पुनः विवाह गरे। सन् २००८ मा पनि मैले उनलाई भेटेको थिएँ। तिब्बती संस्कारमा मृतक व्यक्तिको नाम नभन्ने चलन छ। त्यो कुरा मलाई त्यतिबेलासम्म थाहा थिएन, थाहा भएको भए सोध्ने पनि थिइनँ। तिब्बती संस्कार थाहा पाएपछि मैले तिब्बतीसँग कुरा गर्दा नाम बताउन मिल्ने भए मात्र बताउनु होला भन्ने गरेको छु। गोम्पोले मृतक आमा र छोरीको नाम बताउँदा आँखाभरि आँसु लिएका थिए। मैले उनको पुरानो घाउ कोट्याएर दुःख दिएँ। मेरै कारण टलपलाएको थियो गोम्पोको आँखामा आँसु। क्षमा गर साङ्गे गोम्पो!)

    श्रीभक्त खनाल

साहित्यपाटी

  • प्रेम, प्लाष्टिकको फूल र बिबाह प्रेम, प्लाष्टिकको फूल र बिबाह

    प्रेमको पनि सिधा अर्थ छ यदि कोही तपाईलाई राम्रो लाग्यो भने वा तपाईँपनि कसैलाई राम्रो लाग्यो भने प्रेम हुन्छ। यस्तो प्रेमको आधार कुनै रगतको सम्बन्ध हुँदैन। कुनै सात राउण्ड जग्गेको सम्बन्ध वा रोजगारको वाध्यता केही हुन्न। केवल इमान्दार र साँचो प्रेम मात्र हुन्छ। बिना लेनदेन प्रेमको नशा उच्चतम हुन्छ।

    महेन्द्र पौडेल

  • वैंशालु मन वैंशालु मन

    'राम्रै मान्छेको हातबाट खान पाएर पनि होला, तामाको अँखोराको पानी मीठो हगी!' एउटाले मुख मिठ्यायो। 'बैँशमा त स्याल पनि घोर्ले हुन्छ भन्छन्। तर यो घोर्ल्याइँ केटा भन्दा केटीमा बढी हुन्छ, किन होला? बैँशालु केटीको छाला नरम, अनुहार उज्यालो र शरीर पनि बान्की पारेको हुन्छ। रुपै नभएका भनिनेहरु पनि केही हदसम्म ध्यान खिच्ने खाल का हुन्छन्। केटाहरुलाई चाँही राम्रो कुराले हतपती पत्याउँदैन। प्रकृतिले नै केटीहरुको केही न केही पक्षपोषण गरेकै हुन्छ।' अर्को जान्ने पल्टियो।

  • मृत्युको सौन्दर्य मृत्युको सौन्दर्य

    मृत्युसँग पनि 
    सौन्दर्यको आयामहरु हुँदोरैछ

    जस्तो कि-
    चुँडिएपछि सयपत्री गलामा झुण्डिन्छ
    चुँडिएपछि लालीगुराँस शिरमा अल्झिन्छ

    नवीन प्यासी

पाठक विचार

  • राजीनामाले उज्यालियो दाहालको छवि

    लोडसेडिङ अन्त्य, ओबरमा हस्ताक्षर, फास्ट ट्रयाक लगायतका राम्रा काम दाहाल नेतृत्वको सरकारले अघि बढाएको छ। तिनको सह्राना गर्न कन्जुस्याईं गर्न हुँदैन। मुख्य कुरा यदि दाहालको राजीनामाभित्र कुनै भित्री खेलहरु सम्मिलित छैनन् भने उहाँको यो कदम अत्यन्त प्रशंसनीय छ। साथै दाहालले आफ्नो कद उँचो गर्ने अवसर सहर्ष सदुपयोग गर्नुभएको छ। वचनमा ढुक्क बन्न नसकिने मानिस भनेर चिनिने उहाँको छवि उजिल्याएको छ।

    कल्पना भट्टराई

लोकप्रिय

सिफारिस

सूचनापाटी

छापाबाट

  • सरकारी टेलिफोन नम्बर व्यक्तिका नाममा दर्ता
  • दुबईमा नेपाली युवतीको हत्या
  • राजपामा चर्को विवाद
  • पारस खड्कासहित दर्जन बढी खेलाडीलाई सशस्त्रले हटायो
  • बूढीगण्डकी चिनियाँ कम्पनी सीजीजीसीलाई
  • पराजुलीविरुद्ध रिट हाल्ने गिरी सम्पर्कविहीन
  • यसकारण ओलीको प्रस्तावमा स्थगित भयो बैठक
  • देउवा सरकारमा राप्रपालाई ४ मन्त्रालय
  • प्रधानन्यायाधीशको दु:खेसो – ‘राम्रो गरेको कसैले सहँदो रहेनछ’
  • राजपा निर्वाचन आयोगमा