पञ्जावविरुद्ध १५ छक्का हानेको मुम्बई ८ विकेटले विजयी

  • Get News Alerts

आइपिएल

दशौं आइपिएलमा अहिलेसम्मकै सबैभन्दा प्रभावशाली ब्याटिङ गरेको मुम्बई इन्डियन्सले २७ बल खेल्न बाँकी रहँदै घरेलु किङ इलेभेन पञ्जावलाई ८ विकेटले पराजित गरेको छ।

जस बटलर र पार्थिव पटेलको जोडीले ब्याटिङ पावर प्लेमा कीर्तिमानी ८१ रनको साझेदारी गरेपछि मुम्बईले पहिलो इनिङमा पञ्जावका हासिम अमलाले बनाएको १ सय ४ रनको सतकीय साझेदारीलाई ओझलमा पारेको थियो।

मुम्बईले आइपिएलमा पहिलो पल्ट पावर प्लेमा सर्वाधिक रन जोड्ने क्रममा ६ ओभरमा १ विकेट गुमाउदै ८२ रन बनायो। आजको खेलमा मुम्बईको तर्फबाट बटलर मात्र होइन, नितेश राणाले पनि अविस्मरणीय ब्याटिङ गरे। उनले मोहित शर्माको १५ ओभरको तेस्रो बलमा छक्का लगाउदै आफ्नो टोलीलाई सहज विजय दिलाए।

राणाले ७ छक्काको सहयोगले ३४ बलमा अविजित ६२ रन बनाएका थिए। आइपिएलमा उनको यो चौथो अर्धसतक थियो। यसअघि उनले बटलरसँग मिलेर दोस्रो विकेटका लागि २९ बलमा अर्धसतक बनाएका थिए। यिनीहरुले ८५ रनको साझेदारी गरेका थिए।

बटलरले ५ छक्का र ७ चौकाको सहयोगले ३७ बलमा ७७ रन बनाएका थिए। हार्दिक पाण्ड्याले १५ रन बनाउने क्रममा राणासँग तेस्रो विकेटका लागि अविजित ३३ रनको साझेदारी गरेपछि मुम्बईले १५ दशमलव ३ ओभरमा २ विकेट गुमाउदै १ सय ९९ रन बनाएको थियो।

यसअघि पहिलो ब्याटिङ गरेको पञ्जावले अमलाको ६० बलमा ६ छक्का र ८ चौकाको सहयोगले बनाएको १ सय ४ रनको अविजित इनिङका कारण ४ विकेटको क्षतिमा १ सय ९८ रन बनाएको थियो। पञ्जावका कप्तान ग्लेन म्याक्सवेलले पनि ३ छक्का र ४ चौकाको सहयोगले १८ बलमा ४० रन बनाएका थिए।

यो पुरै इनिङमा २४ छक्का लागेको थियो। जसमा मुम्बईले १५ र पञ्जावबाट ९ छक्का लागेको थियो। म्यान अफ दि म्याच जस बटलर घोषित भए। 

प्रतिकृया दिनुहोस

थप समाचार

  • रोनाल्डोको च्याम्पियन्स लिगमा अर्को कीर्तिमान

    रोनाल्डोको च्याम्पियन्स लिगमा अर्को कीर्तिमान

    पोर्चुगिज स्ट्राइकर क्रिस्टियानो रोनाल्डोले च्याम्पियन्स लिगको ३ वटा संस्करणको फाइनलमा गोल गर्ने नयाँ कीर्तिमान बनाएका छन्।

  • रोनाल्डोको २ गोलपछि रियल म्याड्रिडलाई उपाधि

    रोनाल्डोको २ गोलपछि रियल म्याड्रिडलाई उपाधि

    वेल्सको कार्डिफमा आइतबार बिहान सम्पन्न फाइनल खेलमा रोनाल्डोले २० र ६४ मिनेटमा गोल गरेपछि इटालीका सबैभन्दा अनुभवी गोलरक्षक जियानलुइगी बुफोनको टोली स्तब्ध बन्न पुग्यो। पहिलो हाफको खेललाई १–१ गोलको बराबरीमा राखेको युभेन्ट्सको रक्षापंक्तिलाई दोस्रो हाफमा म्याड्रिडका खेलाडीले सहजै तोडेका थिए।

  • असेन्सियोले हाने रियलका लागि चौथो गोल

    असेन्सियोले हाने रियलका लागि चौथो गोल अतिरिक्त खेलाडीको रुपमा मैदान प्रवेश गरेका मार्को असेन्सियोले रियल म्याड्रिडका लागि चौथो गोल गरेका छन्। इस्कोको स्थानमा ८२ मिनेटमा मैदान प्रवेश गरेका असेन्सियोले ९० मिनेटमा गोल गरेका थिए। उनको गोलसँगै रियलले ४–१ को अग्रता लिएको छ। अतिरिक्त ४ मि...

  • युभेन्ट्स १० खेलाडीमा सिमित

    युभेन्ट्स १० खेलाडीमा सिमित युभेन्ट्सले ८३ मिनेटमा एउटा खेलाडी गुमाउन पुगेको छ। ३–१ ले पछाडि परेको युभेन्ट्सका जुआन कुआर्डाडो दोस्रो पहेँलो कार्ड पाएर मैदानबाट बाहिरिएका छन्। रियल म्याड्रिडका डिफेन्डर सर्जियो रामोसलाई हातले ढकेलेको आरोपमा उनलाई रेफ्रिले दोस्रो पहेँलो कार्...

  • रोनाल्डोले गरे दोस्रो गोल

    रोनाल्डोले गरे दोस्रो गोल

    च्याम्पियन्स लिगको फाइनलमा क्रिस्टियानो रोनाल्डोले दोस्रो गोल गरेका छन्। उनले ६४ मिनेटमा दोस्रो गोल गरेका हुन्।

लोकप्रिय

सूचनापाटी