मेसीको २ गोलपछि बार्सिलोना ४–२ ले विजयी

  • Get News Alerts

स्पेनिस ला लिगा


पहिलो हाफमा २–२ को बराबरीमा रोकिएको बार्सिलोनाका लागि दोस्रो हाफमा मेसी र आन्द्रेयी गोमेजले निर्णायक गोल गरे।

बार्सिलोना पहिलो हाफको २९ मिनेटमै स्तब्ध बन्न पुगेको थियो, जब म्यानचेस्टर सिटीबाट क्रृण सम्झौतामा आएका इलियाकुइम मानगालाले इभान राकिटिक र सर्जियो बस्क्युटको बीचबाट हेडिङ गर्दै भ्रमणकारी टोलीलाई पहिलो गोलको सफलता दिलाए।

तर, बार्सिलोना पहिलो गोल खाएको ६ मिनेटपछि नै खेलमा फर्कियो। ३५ मिनेटमा लुइस सुआरेजले ब्राजिलियन स्ट्राइकर नेइमारको पासमा गोल गरेपछि घरेलु टोली तुरुन्त खेलमा फर्किएको थियो।

भेलेन्सिया पहिलो हाफको खेल सकिन एक मिनेट बाँकी हुँदा स्तब्ध बन्यो। जब उसले पहिलो गोल गर्ने मानगालालाई गुमायो। मानगाला ४४ मिनेटमा सुआरेजलाई डिबक्स भित्र लडाएको आरोपमा दोहोरो पहेँलो कार्ड खादै मैदानबाट बाहिरिएका थिए। उनको सामान्य गल्तीका कारण बार्सिलोनाले पेनाल्टीको अवसर पायो। जसलाई मेसीले गोलमा परिणत गरे। मानगाला ३९ मिनेटमा पनि मेसीसँग विवादमा अल्झिएका थिए। उनलाई जसका कारण पहिले नै पहेँलो कार्ड देखाइएको थियो।

पहिलो हाफमा भेलेन्सियाले मानगालालाई गुमाए पनि उसले उत्कृष्ट प्रतिद्वन्दीविरुद्ध निर्धारित ४५ पछि थप गरिएको अर्को मिनेटमा गोल फर्काउन सफल भयो। भेलेन्सियाका लागि बराबरी गोल मुनिर अल हाद्धादीले गरे। उनले बार्सिलोनाको फितलो रक्षापंक्तिको फाइदा उठाउदै मेसीले पेनाल्टीबाट गोल गरेको अर्को मिनेटमै गोल गरे।

दोस्रो हाफपछि बार्सिलोनाले आफ्नो खेलमा निकै सुधार ल्यायो। उसले रक्षापंक्ति मात्र होइन, आक्रामणलाई पनि तिब्र बनायो। नेइमार दोस्रो हाफपछि सबैभन्दा बढि प्रभावशाली रहे।

दोस्रो हाफको ८ मिनेटपछि नै मेसीले बार्सिलोनालाई पुनः अग्रता दिलाए। उनले आफ्नै देशका डिफेन्डर जाभियर मास्चेरानोको पासलाई गोलमा परिणत गरे। मेसीको गोलका कारण ५३ मिनेटमा बार्सिलोनाले ३–२ को अग्रता बनाएको थियो।

चौथो गोल गोमेजले नेइमारको उत्कृष्ट पासमा गरेका थिए। नेइमारले मैदानको मध्य भागबाट दौड्याउदै डिबक्स भित्रबाट क्रस गरेको बललाई अतिरिक्त खेलाडीको रुपमा खेलेका गोमेजले ८९ मिनेटमा गोलमा परिणत गरेका थिए। उनी ७४ मिनेटमा राफिन्हाको स्थानमा मैदानमा प्रवेश गरेका थिए।

भेलेन्सिया मानगालाको अनुपस्थितिमा ४६ मिनेट १० खेलाडीमा सिमिति भएर खेलेको थियो। भेलेन्सियाविरुद्धको जितपछि बार्सिलोना स्पेनिस ला लिगाको अंक तालिकामा रियल म्याड्रिडसँग २ अंकको दूरी बनाउन सफल भएको छ।

हाल रियल २७ खेलमा ६५ अंकका साथ शीर्षस्थानमा छ। बार्सिलोनाको २८ खेलमा ६३ अंक छ। आउँदो अप्रिल २३ मा हुने यी दुई देशबीचको ‘अल क्लासिको’ भिडन्तपछि लगभग निश्चित हुनेछ, यसपालिको ला लिगाको उपाधि कसले जित्छ भनेर।

प्रतिकृया दिनुहोस

थप समाचार

  • रोनाल्डोको च्याम्पियन्स लिगमा अर्को कीर्तिमान

    रोनाल्डोको च्याम्पियन्स लिगमा अर्को कीर्तिमान

    पोर्चुगिज स्ट्राइकर क्रिस्टियानो रोनाल्डोले च्याम्पियन्स लिगको ३ वटा संस्करणको फाइनलमा गोल गर्ने नयाँ कीर्तिमान बनाएका छन्।

  • रोनाल्डोको २ गोलपछि रियल म्याड्रिडलाई उपाधि

    रोनाल्डोको २ गोलपछि रियल म्याड्रिडलाई उपाधि

    वेल्सको कार्डिफमा आइतबार बिहान सम्पन्न फाइनल खेलमा रोनाल्डोले २० र ६४ मिनेटमा गोल गरेपछि इटालीका सबैभन्दा अनुभवी गोलरक्षक जियानलुइगी बुफोनको टोली स्तब्ध बन्न पुग्यो। पहिलो हाफको खेललाई १–१ गोलको बराबरीमा राखेको युभेन्ट्सको रक्षापंक्तिलाई दोस्रो हाफमा म्याड्रिडका खेलाडीले सहजै तोडेका थिए।

  • असेन्सियोले हाने रियलका लागि चौथो गोल

    असेन्सियोले हाने रियलका लागि चौथो गोल अतिरिक्त खेलाडीको रुपमा मैदान प्रवेश गरेका मार्को असेन्सियोले रियल म्याड्रिडका लागि चौथो गोल गरेका छन्। इस्कोको स्थानमा ८२ मिनेटमा मैदान प्रवेश गरेका असेन्सियोले ९० मिनेटमा गोल गरेका थिए। उनको गोलसँगै रियलले ४–१ को अग्रता लिएको छ। अतिरिक्त ४ मि...

  • युभेन्ट्स १० खेलाडीमा सिमित

    युभेन्ट्स १० खेलाडीमा सिमित युभेन्ट्सले ८३ मिनेटमा एउटा खेलाडी गुमाउन पुगेको छ। ३–१ ले पछाडि परेको युभेन्ट्सका जुआन कुआर्डाडो दोस्रो पहेँलो कार्ड पाएर मैदानबाट बाहिरिएका छन्। रियल म्याड्रिडका डिफेन्डर सर्जियो रामोसलाई हातले ढकेलेको आरोपमा उनलाई रेफ्रिले दोस्रो पहेँलो कार्...

  • रोनाल्डोले गरे दोस्रो गोल

    रोनाल्डोले गरे दोस्रो गोल

    च्याम्पियन्स लिगको फाइनलमा क्रिस्टियानो रोनाल्डोले दोस्रो गोल गरेका छन्। उनले ६४ मिनेटमा दोस्रो गोल गरेका हुन्।

लोकप्रिय

सूचनापाटी