राजपामा चर्को विवाद

  • Get News Alerts

samsung
tata

नेतृत्वबीच आन्तरिक विवाद बढेपछि आइतबार हुने भनिएको प्रधानमन्त्री चुनाव र दल दर्ताबारे राष्ट्रिय जनता पार्टी टुंगोमा पुग्न सकेन। प्रधानमन्त्री चुनावमा कांग्रेस सभापति शेरबहादुर देउवालाई समर्थन गर्ने राजपाको तयारी रहे पनि निर्वाचन आयोगमा दल दर्ताको विषय बीचमा आएपछि राजपा बैठक अनिर्णित बन्न पुग्यो। यो खबर हामीले आजको कान्तिपुरबाट लिएका हौ।

त्यसै कारण उसले देउवालाई समथर्न गर्ने औपचारिक घोषणा गर्न सकेन। दल दर्ताका लागि चाहिने पार्टी विधान र घोषणापत्र अन्तिम रुप दिन बसेका शनिबार र आइतबारका दुवै बैठक विवादपूर्ण बनेपछि राजपाले सोमबार बिहान ९ बजे फेरि बैठक राखेको छ।

‘बैठक टुंगोमा पुगेन, त्यसको कारण मैले भन्न मिल्दैन,’ राजपाका एक उच्च नेताले भने, ‘महेन्द्र यादवजी स्थानीय चुनावमा जानुपर्छ भन्नेमा हुनुहुन्छ, अरु केही नेताको पनि त्यस्तै भावना छ। उहाँहरुलाई अरु कसैले प्रभावित पारेको हो कि भन्ने हाम्रो आशंका छ। भोलि बैठकमा यसबारे खुलेरै कुराकानी हुन्छ।’

तर अध्यक्ष मण्डलका नेताहरु राजेन्द्र महतो, राजकिशोर यादवले भने यसअघिको प्रधानमन्त्री चुनावमै राजपाले यो गठबन्धनलाई सघाउने निर्णय गरिसकेकाले प्रधानमन्त्री चुनावमा देउवालाई सघाउने बताए। महतोले चुनावमा देउवालाई ‘सघाउन नपर्ने कारण नरहेको’ भन्दै यसअघि नै सहयोग गर्ने बताइसकेका छन्।

‘अहिलेकै गठबन्धनलाई सघाउनुपर्छ भन्ने हाम्रो प्रष्ट नीति छ, चुनाव नभएकाले मात्रै हामी नगएका हौं,’ राजकिशोर यादवले भने, ‘विगतमा भएका सम्झौताबारे देउवाजीको प्रष्ट धारणासहित हामी उहाँलाई सघाउन चाहन्छौं।’ पार्टी घोषणा भएको आइतबार ४५ दिन पुगे पनि विधान, दल दर्ताको घोषणापत्र नहुँदा राजपाभित्र मनोमालिन्य बढेको छ।

स्रोतका अनुसार महेन्द्र यादवले निर्वाचन आयोगमा तत्कालै जान आनाकानी गरेपछि अरु नेता उनलाई मनाउन सक्रिय छन्। बैठक सकिने बित्तिकै राजकिशोर यादवले महेन्द्रलाई आफ्नै गाडीमा राखेर आइतबार प्रमुख निर्वाचन आयुक्त अयोधीप्रसाद यादव भेट्न निर्वाचन आयोग गएका थिए। आयुक्त यादवले दल दर्ताको औपचारिक चिठीबाहेक विधान, घोषणापत्र आइनपुगेकाले निर्धारित समय गुज्रिएर फरक नपर्ने भन्दै समझदारी गरेर आयोगमा आउन सुझाएको स्रोतले बतायो।

वैशाख ७ गते ६ मधेसी घटक मिलेर एकीकृत राजपाभित्र दोस्रो तहको स्थानीय चुनाव सकार्ने कि नसकार्ने भन्ने विषयमा विवाद बढै गएको छ। मधेसमा पकड भएको अर्को घटक संघीय समाजवादी फोरम नेतृत्वलाई महेन्द्र यादवसहित अरु केही नेतालाई चुनावमा जानुपर्छ भन्ने पक्षमा प्रभावित पारिरहेको राजपा नेताहरुले आरोप लगाएका छन्। फोरम यसअघि नै चुनावमा सक्रिय छ।

जिल्लाहरुमा राजपाले चुनाव विरोधी गतिविधि तीव्र पारेसग त्यसका कतिपय कार्यकर्ता चुनावमा उम्मेदवारी दिने योजनासहित अन्य दल प्रवेश गर्न थालेको भन्दै महेन्द्रले अब चुनावमा जान ढिलाई गर्न नहुने बताउदै आएका छन्। नेता वृषेशचन्द्र लालले पार्टीभित्र विभिन्न विचार आउनु अनौठो नभएको भन्दै थपे, ‘तर जे भए पनि संविधान संशोधन नहुन्जेल राजपा यो चुनावमा भाग नलिने निश्चित छ। हामी निर्वाचनको विरोध र अवरोध नै गर्छौं।’

 

hundai
nic
mahindra
nic asia

प्रतिकृया दिनुहोस

बिज्ञापन

mahindra

विचार

Hyundai

किनमेल

apex

ग्लोबल

vianetwlink

कला

अंग्रेजी संस्करणबाट

ब्लग

  • फिनल्याण्ड आउँदै हुनुहुन्छ यसो गर्नुहोस् फिनल्याण्ड आउँदै हुनुहुन्छ यसो गर्नुहोस्

    मास्टर तहको पढाई विश्वविद्यालयहरुमा हुन्छ। केही पोलिटेक्निक्सले मास्टर तहको पढाई पनि सञ्चालन गर्छन तर त्यसका लागि काम गरेको अनुभव खोजिन्छ । हेलसिन्की विश्वविद्यालय, आल्टू विश्वविद्यालय विश्वकै उत्कृष्ट विश्वविद्यालयहरू हुन्। यी विश्वविद्यालयमा भर्ना निकै प्रतिस्पर्धात्मक हुन्छ। फ़िनल्याण्डमा वर्षको एक पटक विधार्थी भर्ना कार्यक्रम हुन्छ, अगस्ट -सेप्टेम्बरमा।

    प्रकाश पोखरेल

  • बढ्दो आत्महत्या सामाजिक सरोकारको विषय बढ्दो आत्महत्या सामाजिक सरोकारको विषय

    आत्महत्याको घटनालाई कुनै परिवारको निजी मामला भनेर अनदेखा गर्नु भन्दा पनि एउटा सामाजिक, सांस्कृतिक, लैंगिक, आर्थिक, मानसिक र मनोवैज्ञानिक दृष्टिकोणबाट विश्लेषण गर्नु जरुरी छ। गहन विश्लेषण बिना सरल अभिव्यक्ति दिएर सामाजिक दायित्वबाट पन्छिनु चेतनशील व्यक्तिको पहिचान होइन। एक आपसमा सहयोगको भावना, मनोबैज्ञानिक तथा मानसिक समस्याबारे शिक्षा/चेतना,  सकारात्मक सोचाई, स्वस्थ प्रतिस्पर्धा र सामाजिक समस्याहरुप्रतिको संवेदनशीलतालाई प्रोत्साहन गर्ने हो भने आत्महत्याद्वारा अकाल मृत्युको घटनालाई धेरै हदसम्म न्युनिकरण गर्न सकिन्छ।

    बिभु थपलिया श्रेष्ठ

  • एउटा नर्सको स्विकारोक्ती: के डा. केसी राष्ट्रद्रोही नै हुन् त? एउटा नर्सको स्विकारोक्ती: के डा. केसी राष्ट्रद्रोही नै हुन् त?

    म एक स्वास्थकर्मी हुँ। मैले मुलुकका बिभिन्न जिल्लाहरुमा करिब १५ वर्षसम्म नर्सिङ सेवा प्रदान गरे। मेरो कार्यक्षेत्र दुर्गम र सुगम दुवै ठाउँमा थियो। भाग...

    सुशिला पाण्डे

साहित्यपाटी

  • प्रेम, प्लाष्टिकको फूल र बिबाह प्रेम, प्लाष्टिकको फूल र बिबाह

    प्रेमको पनि सिधा अर्थ छ यदि कोही तपाईलाई राम्रो लाग्यो भने वा तपाईँपनि कसैलाई राम्रो लाग्यो भने प्रेम हुन्छ। यस्तो प्रेमको आधार कुनै रगतको सम्बन्ध हुँदैन। कुनै सात राउण्ड जग्गेको सम्बन्ध वा रोजगारको वाध्यता केही हुन्न। केवल इमान्दार र साँचो प्रेम मात्र हुन्छ। बिना लेनदेन प्रेमको नशा उच्चतम हुन्छ।

    महेन्द्र पौडेल

  • वैंशालु मन वैंशालु मन

    'राम्रै मान्छेको हातबाट खान पाएर पनि होला, तामाको अँखोराको पानी मीठो हगी!' एउटाले मुख मिठ्यायो। 'बैँशमा त स्याल पनि घोर्ले हुन्छ भन्छन्। तर यो घोर्ल्याइँ केटा भन्दा केटीमा बढी हुन्छ, किन होला? बैँशालु केटीको छाला नरम, अनुहार उज्यालो र शरीर पनि बान्की पारेको हुन्छ। रुपै नभएका भनिनेहरु पनि केही हदसम्म ध्यान खिच्ने खाल का हुन्छन्। केटाहरुलाई चाँही राम्रो कुराले हतपती पत्याउँदैन। प्रकृतिले नै केटीहरुको केही न केही पक्षपोषण गरेकै हुन्छ।' अर्को जान्ने पल्टियो।

  • मृत्युको सौन्दर्य मृत्युको सौन्दर्य

    मृत्युसँग पनि 
    सौन्दर्यको आयामहरु हुँदोरैछ

    जस्तो कि-
    चुँडिएपछि सयपत्री गलामा झुण्डिन्छ
    चुँडिएपछि लालीगुराँस शिरमा अल्झिन्छ

    नवीन प्यासी

पाठक विचार

  • राजीनामाले उज्यालियो दाहालको छवि

    लोडसेडिङ अन्त्य, ओबरमा हस्ताक्षर, फास्ट ट्रयाक लगायतका राम्रा काम दाहाल नेतृत्वको सरकारले अघि बढाएको छ। तिनको सह्राना गर्न कन्जुस्याईं गर्न हुँदैन। मुख्य कुरा यदि दाहालको राजीनामाभित्र कुनै भित्री खेलहरु सम्मिलित छैनन् भने उहाँको यो कदम अत्यन्त प्रशंसनीय छ। साथै दाहालले आफ्नो कद उँचो गर्ने अवसर सहर्ष सदुपयोग गर्नुभएको छ। वचनमा ढुक्क बन्न नसकिने मानिस भनेर चिनिने उहाँको छवि उजिल्याएको छ।

    कल्पना भट्टराई

लोकप्रिय

सिफारिस

सूचनापाटी

छापाबाट

vianetwlink