जनप्रतिनिधिमा लोकप्रिय बन्ने होड

  • Get News Alerts

‘युवालाई फ्री वाईफाई, वृद्धवृद्धालाई थप भत्ता !’ पहिलो चरण स्थानीय निर्वाचनताका सबैजसो उम्मेदवारले उठाएका लोकप्रिय नारा हुन् यी। निर्वाचन सकिएसँगै कसैले व्यक्ति र समूहलाई खुसी पार्नेगरी नगरको पहिलो बैठकबाट निर्णय गरेका छन् भने कसैले नेपाल भाषालाई पनि सरकारी कामकाजका लागि प्रयोग गर्ने अठोट सार्वजनिक गरेका छन्। यो खबर हामीले आजको अन्नपूर्ण पोष्टबाट लिएका हौ।

नगरवासीलाई रिझाउनेगरी लोकप्रिय कार्यक्रम घोषणा गर्न नवनिर्वाचित जनप्रतिनिधिलाई भ्याइनभ्याइ छ। २० वर्षपछि चुनिएका अधिकांश जनप्रतिनिधिले जनतालाई सर्वोच्च ठानेर प्रतिस्पर्धात्मक र आक्रामक ढंगले कार्यक्रम अघि बढाएका हुन्। लोकप्रिय मात्रै नभएर समाजमा प्रत्यक्ष प्रभाव पार्ने फोहोरमैला व्यवस्थापन, सडक निर्माण, पिच, पूर्वाधार विकास, सार्वजनिक जग्गा सीमांकन, नगरका सेवा चुस्तदुरुस्त, पुनर्निर्माण, भूकम्प प्रभावितलाई भवन निर्माण इजाजतमा छुट दिनेजस्ता निर्णय पनि जनप्रतिनिधिले गरेका छन्।

राजधानी रहेको काठमाडौं महानगरपालिकाको पहिलो बैठकले ज्येष्ठ नागरिकलाई राज्यले दिएको सामाजिक सुरक्षाभत्ताका अलावा मासिक थप एक हजार रुपैयाँ दिने र दक्ष चिकित्सक घरमै पठाएर स्वास्थ्य परीक्षण गराउने निर्णय गरेको छ। मेयर विद्यासुन्दर शाक्यका अनुसार सूर्योदय नहुँदै फोहोर उठाउने, महानगरभित्रका महत्वपूर्ण ठाउँमा निःशुल्क वाईफाई राख्ने, सेवा चुस्तदुरुस्त गर्ने कामलाई प्राथमिकता दिइएको छ।

ललितपुर महानगरपालिकाले जनप्रतिनिधिबाट जनसेवाका सबै काम सहज ढंगले गर्ने र नगरको भौतिक विकासका लागि तत्काल कार्यटोली बनाएर काम गर्ने निर्णय गरेको छ। ललितपुरकै महालक्ष्मी नगरपालिकाले ज्येष्ठ नागरिकलाई चार महिनामा थप ५ सय रुपैयाँ प्रदान गर्ने निर्णय गरेको छ। पोखरा महानगरपालिकाले पनि वृद्धभत्ता थप प्रदान गर्ने घोषणा गरेको छ। ७० वर्षभन्दा माथिका १३ हजार १ सय ६ जनालाई थप १० प्रतिशत भत्ताको व्यवस्था गर्ने महानगरले जनाएको हो। यस हिसाबले वार्षिक झन्डै साढे ३ करोड खर्च हुने देखिन्छ। गोदावरी नगरपालिकाले पहिलो बैठकमा चिल्ड्रेन पार्क बनाउने निर्णय गरेको छ।

मध्यपुर थिमी नगरपालिकाका मेयर मदनसुन्दर श्रेष्ठले चुनावी प्रचार क्रममा गरिएको घोषणालाई पहिलो प्राथमिकतामा राखेका छन्। पहिलो बैठकमा गरेको निर्णय सुनाउँदै उनले भने, 'नगरपालिकाले ज्येष्ठ नागरिकको कष्टप्रद अवस्थालाई ध्यानमा राखेर भत्ता घरघरमै पुर्‍याउनेछ।' काठमाडौंको शंखरापुर नगरपालिकाले नगरभित्रका कच्ची सडकलाई पक्की गर्ने निर्णय गरेको छ भने टोखाले पनि नगर क्षेत्रका मुख्य सडकलाई स्तरोन्नति गर्ने भएको छ।

संघीय मामिला तथा स्थानीय विकास मन्त्रालयले निर्वाचनपछि आमनागरिक उत्साहित भएर विकास, समृद्धि र राष्ट्र निर्माणको सुन्दर सपना देखिरहेको र आफ्ना जनप्रतिनिधिमार्फत लोकतन्त्रको अभ्यास गरी समुन्नत समाजको सम्भावना खोजिरहेको जनाएको छ।

पहिलो बैठकका निर्णय :

  • काठमाडैां महानगरपालिका :ज्येष्ठ नागरिकलाई सामाजिक सुरक्षाभत्ताका अलावा मासिक थप एक हजार रुपैयाँ दिने। दक्ष चिकित्सक घरमै पठाएर स्वास्थ्य परीक्षण गराउने। नेपाल भाषालाई पनि सरकारी कामकाजको भाषा बनाउने।
  • ललितपुर महानगरपालिका :जनसेवाका सबै काम सहज ढंगले गर्ने। नगरको भौतिक विकासका लागि तत्काल कार्यटोली बनाएर काम गर्ने।
  • पोखरा महानगरपालिका :७० वर्षभन्दा माथिका १३ हजार १ सय ६ जनालाई थप १० प्रतिशत भत्ताको व्यवस्था गर्ने।
  • महालक्ष्मी नगरपालिका :ज्येष्ठ नागरिकलाई चार महिनामा थप ५ सय रुपैयाँ प्रदान गर्ने।
  • गोदावरी नगरपालिका :चिल्ड्रेन पार्क बनाउने।
  • मध्यपुर थिमी नगरपालिका :ज्येष्ठ नागरिकको कष्टप्रद अवस्थालाई ध्यानमा राखेर सामाजिक सुरक्षाभत्ता घरघरमै पुर्‍याउने।
  • शंखरापुर नगरपालिका :नगरभित्रका कच्ची सडकलाई पक्की गर्ने।
  • टोखा नगरपालिका :नगर क्षेत्रका मुख्य सडकलाई स्तरोन्नति गर्ने।

प्रतिकृया दिनुहोस

विचार

ब्लग

  • मतगणना स्थलमा जे देखियो मतगणना स्थलमा जे देखियो

    सयौं मतपत्र यस्ता थिए, जसमा ल्याप्चे लगाएर भोट हालिएको थियो। पार्टीका उम्मेदवारलाई भोट हालिसकेपछि सोही पदमा उठेका स्वतन्त्र उम्मेदवारलाई पनि भोट हालिएको धेरै पाइयो। जस्तो, रुख वा सूर्य चिह्नमा भोट हालेपछि क्यामरा वा इस्टकोट चिह्नमा मत हाल्नेको संख्या हजारौं थियो।
     

    मानवी पौडेल

  • बालबालिकाहरुमा लुकेको संबेदनशील समस्या ‘थाइराइडको समस्या’ बालबालिकाहरुमा लुकेको संबेदनशील समस्या ‘थाइराइडको समस्या’

    बिश्वमा करिब २०० मिलियन भन्दा बढी मानिसहरुमा थाइराइडको कारण बिरामी हुने गरेको पछिल्लो तथ्याङ्कहरुले देखाएका छन्। यो समस्या मध्ये ५० प्रतिशत बिरामीहरुको जनचेतना नभएको देखिएको छ। बिश्वको जनसंख्याको करिब ३० प्रतिशत मानिसहरु आयोडिन कमी भएका क्षेत्रमा बसोबास गर्ने गरेको अध्ययनहरुले देखाएको छ।

    डा. बिनोद कुमार साह

  • अमेरिकामा तालिम अमेरिकामा तालिम

    (तिब्बतबाट नेपाल आएपछि गोम्पोले पुनः विवाह गरे। सन् २००८ मा पनि मैले उनलाई भेटेको थिएँ। तिब्बती संस्कारमा मृतक व्यक्तिको नाम नभन्ने चलन छ। त्यो कुरा मलाई त्यतिबेलासम्म थाहा थिएन, थाहा भएको भए सोध्ने पनि थिइनँ। तिब्बती संस्कार थाहा पाएपछि मैले तिब्बतीसँग कुरा गर्दा नाम बताउन मिल्ने भए मात्र बताउनु होला भन्ने गरेको छु। गोम्पोले मृतक आमा र छोरीको नाम बताउँदा आँखाभरि आँसु लिएका थिए। मैले उनको पुरानो घाउ कोट्याएर दुःख दिएँ। मेरै कारण टलपलाएको थियो गोम्पोको आँखामा आँसु। क्षमा गर साङ्गे गोम्पो!)

    श्रीभक्त खनाल

साहित्यपाटी

  • प्रेम, प्लाष्टिकको फूल र बिबाह प्रेम, प्लाष्टिकको फूल र बिबाह

    प्रेमको पनि सिधा अर्थ छ यदि कोही तपाईलाई राम्रो लाग्यो भने वा तपाईँपनि कसैलाई राम्रो लाग्यो भने प्रेम हुन्छ। यस्तो प्रेमको आधार कुनै रगतको सम्बन्ध हुँदैन। कुनै सात राउण्ड जग्गेको सम्बन्ध वा रोजगारको वाध्यता केही हुन्न। केवल इमान्दार र साँचो प्रेम मात्र हुन्छ। बिना लेनदेन प्रेमको नशा उच्चतम हुन्छ।

    महेन्द्र पौडेल

  • वैंशालु मन वैंशालु मन

    'राम्रै मान्छेको हातबाट खान पाएर पनि होला, तामाको अँखोराको पानी मीठो हगी!' एउटाले मुख मिठ्यायो। 'बैँशमा त स्याल पनि घोर्ले हुन्छ भन्छन्। तर यो घोर्ल्याइँ केटा भन्दा केटीमा बढी हुन्छ, किन होला? बैँशालु केटीको छाला नरम, अनुहार उज्यालो र शरीर पनि बान्की पारेको हुन्छ। रुपै नभएका भनिनेहरु पनि केही हदसम्म ध्यान खिच्ने खाल का हुन्छन्। केटाहरुलाई चाँही राम्रो कुराले हतपती पत्याउँदैन। प्रकृतिले नै केटीहरुको केही न केही पक्षपोषण गरेकै हुन्छ।' अर्को जान्ने पल्टियो।

  • मृत्युको सौन्दर्य मृत्युको सौन्दर्य

    मृत्युसँग पनि 
    सौन्दर्यको आयामहरु हुँदोरैछ

    जस्तो कि-
    चुँडिएपछि सयपत्री गलामा झुण्डिन्छ
    चुँडिएपछि लालीगुराँस शिरमा अल्झिन्छ

    नवीन प्यासी

पाठक विचार

  • राजीनामाले उज्यालियो दाहालको छवि

    लोडसेडिङ अन्त्य, ओबरमा हस्ताक्षर, फास्ट ट्रयाक लगायतका राम्रा काम दाहाल नेतृत्वको सरकारले अघि बढाएको छ। तिनको सह्राना गर्न कन्जुस्याईं गर्न हुँदैन। मुख्य कुरा यदि दाहालको राजीनामाभित्र कुनै भित्री खेलहरु सम्मिलित छैनन् भने उहाँको यो कदम अत्यन्त प्रशंसनीय छ। साथै दाहालले आफ्नो कद उँचो गर्ने अवसर सहर्ष सदुपयोग गर्नुभएको छ। वचनमा ढुक्क बन्न नसकिने मानिस भनेर चिनिने उहाँको छवि उजिल्याएको छ।

    कल्पना भट्टराई

लोकप्रिय

सिफारिस

सूचनापाटी

छापाबाट

  • सरकारी टेलिफोन नम्बर व्यक्तिका नाममा दर्ता
  • दुबईमा नेपाली युवतीको हत्या
  • राजपामा चर्को विवाद
  • पारस खड्कासहित दर्जन बढी खेलाडीलाई सशस्त्रले हटायो
  • बूढीगण्डकी चिनियाँ कम्पनी सीजीजीसीलाई
  • पराजुलीविरुद्ध रिट हाल्ने गिरी सम्पर्कविहीन
  • यसकारण ओलीको प्रस्तावमा स्थगित भयो बैठक
  • देउवा सरकारमा राप्रपालाई ४ मन्त्रालय
  • प्रधानन्यायाधीशको दु:खेसो – ‘राम्रो गरेको कसैले सहँदो रहेनछ’
  • राजपा निर्वाचन आयोगमा