मोदीले भने-नेपाल र भारत कोही मेहमान वा जजमान छैन, हामी बराबर छौँ

  • Get News Alerts

  • – नेपालको लोकतान्त्रिक विकासमा भारतको सद्भाव छ
  • – नेपालसँग हाम्रो धार्मिक, सांस्कृतिक, ऐतिहासिक सम्बन्ध छ

परराष्ट्रमन्त्री डा. प्रकाशशरण महतका अनुसार भारत भ्रमणमा रहेकी राष्ट्रपति विद्यादेवी भण्डारीसँगको भेटमा भारतीय प्रधानमन्त्री नरेन्द्र मोदीले नेपाल र भारत कोही पनि जजमान वा मेहमान नभएको भनाइ राखेका थिए । ‘हामी बराबर छौँ, कोही ठूलो–सानो छैनौँ,’ मोदीको भनाइ उद्धृत गर्दै महतले भने । यसअघि एउटा व्यापारिक कार्यक्रमलाई सम्बोधन गर्ने क्रममा भारतीय विदेश राज्यमन्त्री भिके सिंहले पनि नेपाल र भारत समान रहेको, कुनै ठूलो–सानो नरहेको स्पष्ट पारेका थिए । यो खबर हामीले आजको नयाँ पत्रिकाबाट लिएका हौ।

‘स्थानीय निर्वाचनमा यसो गर्नुस्, उसो गर्नुस् भन्ने कुरा कहीँकतैबाट उल्लेख भएन,’ सबै भेटवार्तामा सहभागी राष्ट्रपतिका राजनीतिक मामिलाविज्ञ सुशील प्याकुरेलले भने, ‘प्रधानमन्त्री मोदीले छिमेकीको विकासमा भारतको प्राथमिकता रहेको र नेपाल सबैभन्दा नजिकको छिमेकी रहेकाले नेपालप्रति सद्भाव रहेको बताउनुभयो । हाम्रो धार्मिक, सांस्कृतिक, ऐतिहासिक सम्बन्ध नेपालसँग छ, नेपालको पक्षमा हाम्रो सदैव सद्भाव छ भन्ने मोदीजीको भनाइ थियो ।’

राष्ट्रपति भण्डारीले स्थानीय निर्वाचनसहित आगामी दश महिनामा तीनवटा निर्वाचन गराउने र संविधान कार्यान्वयन गर्ने नेपालको प्राथमिकता सुनाएकी थिइन् । ‘नेपालको अहिलेको प्रमुख सामाजिक मुद्दा समावेशीकरण हो, संविधानले समावेशीकरणको व्यवस्था गरको छ, महिलाहरू ४० प्रतिशत निर्वाचित भएर आउने संवैधानिक व्यवस्था कार्यान्वयनका लागि निर्वाचन हुन गइरहेको छ,’ राष्ट्रपति भण्डारीले मोदीलाई भनिन्, ‘संविधान कार्यान्वयनपछि मात्रै समावेशी व्यवस्थाको अनुभूति जनतामा हुन्छ, यसका लागि हुने चुनावमा भारतको शुभेच्छा र सद्भाव नेपालले अपेक्षा गरेको छ ।’

भेटवार्तामा सहभागी परराष्ट्रमन्त्री महतले मोदीलाई उद्धृत गर्दै नयाँ पत्रिकासँग भने, ‘भारत नेपालको हित चाहन्छ, नेपालको हितका लागि सहयोग गर्न चाहन्छ ।’ भेटमा नेपाल भारत सम्बन्ध थप सुदृढ गर्नुपर्नेमा दुवै पक्षले जोड दिएको मन्त्री महतले जानकारी दिए ।

यसअघि सबै पक्षलाई सहभागी गराएर संविधान कार्यान्वयनमा जानुपर्ने धारणा राख्दै आएका भारतीय शीर्ष नेताले यसपटक केही उल्लेख गरेनन् । प्याकुरेलका अनुसार मोदीको यसबारे यति मात्रै भनाइ थियो, ‘नेपालको लोकतान्त्रिक विकासक्रममा हाम्रो सदैव सद्भाव छ ।’

प्रतिकृया दिनुहोस

विचार

किनमेल

ग्लोबल

कला

अंग्रेजी संस्करणबाट

ब्लग

  • मतगणना स्थलमा जे देखियो मतगणना स्थलमा जे देखियो

    सयौं मतपत्र यस्ता थिए, जसमा ल्याप्चे लगाएर भोट हालिएको थियो। पार्टीका उम्मेदवारलाई भोट हालिसकेपछि सोही पदमा उठेका स्वतन्त्र उम्मेदवारलाई पनि भोट हालिएको धेरै पाइयो। जस्तो, रुख वा सूर्य चिह्नमा भोट हालेपछि क्यामरा वा इस्टकोट चिह्नमा मत हाल्नेको संख्या हजारौं थियो।
     

    मानवी पौडेल

  • बालबालिकाहरुमा लुकेको संबेदनशील समस्या ‘थाइराइडको समस्या’ बालबालिकाहरुमा लुकेको संबेदनशील समस्या ‘थाइराइडको समस्या’

    बिश्वमा करिब २०० मिलियन भन्दा बढी मानिसहरुमा थाइराइडको कारण बिरामी हुने गरेको पछिल्लो तथ्याङ्कहरुले देखाएका छन्। यो समस्या मध्ये ५० प्रतिशत बिरामीहरुको जनचेतना नभएको देखिएको छ। बिश्वको जनसंख्याको करिब ३० प्रतिशत मानिसहरु आयोडिन कमी भएका क्षेत्रमा बसोबास गर्ने गरेको अध्ययनहरुले देखाएको छ।

    डा. बिनोद कुमार साह

  • अमेरिकामा तालिम अमेरिकामा तालिम

    (तिब्बतबाट नेपाल आएपछि गोम्पोले पुनः विवाह गरे। सन् २००८ मा पनि मैले उनलाई भेटेको थिएँ। तिब्बती संस्कारमा मृतक व्यक्तिको नाम नभन्ने चलन छ। त्यो कुरा मलाई त्यतिबेलासम्म थाहा थिएन, थाहा भएको भए सोध्ने पनि थिइनँ। तिब्बती संस्कार थाहा पाएपछि मैले तिब्बतीसँग कुरा गर्दा नाम बताउन मिल्ने भए मात्र बताउनु होला भन्ने गरेको छु। गोम्पोले मृतक आमा र छोरीको नाम बताउँदा आँखाभरि आँसु लिएका थिए। मैले उनको पुरानो घाउ कोट्याएर दुःख दिएँ। मेरै कारण टलपलाएको थियो गोम्पोको आँखामा आँसु। क्षमा गर साङ्गे गोम्पो!)

    श्रीभक्त खनाल

साहित्यपाटी

  • प्रेम, प्लाष्टिकको फूल र बिबाह प्रेम, प्लाष्टिकको फूल र बिबाह

    प्रेमको पनि सिधा अर्थ छ यदि कोही तपाईलाई राम्रो लाग्यो भने वा तपाईँपनि कसैलाई राम्रो लाग्यो भने प्रेम हुन्छ। यस्तो प्रेमको आधार कुनै रगतको सम्बन्ध हुँदैन। कुनै सात राउण्ड जग्गेको सम्बन्ध वा रोजगारको वाध्यता केही हुन्न। केवल इमान्दार र साँचो प्रेम मात्र हुन्छ। बिना लेनदेन प्रेमको नशा उच्चतम हुन्छ।

    महेन्द्र पौडेल

  • वैंशालु मन वैंशालु मन

    'राम्रै मान्छेको हातबाट खान पाएर पनि होला, तामाको अँखोराको पानी मीठो हगी!' एउटाले मुख मिठ्यायो। 'बैँशमा त स्याल पनि घोर्ले हुन्छ भन्छन्। तर यो घोर्ल्याइँ केटा भन्दा केटीमा बढी हुन्छ, किन होला? बैँशालु केटीको छाला नरम, अनुहार उज्यालो र शरीर पनि बान्की पारेको हुन्छ। रुपै नभएका भनिनेहरु पनि केही हदसम्म ध्यान खिच्ने खाल का हुन्छन्। केटाहरुलाई चाँही राम्रो कुराले हतपती पत्याउँदैन। प्रकृतिले नै केटीहरुको केही न केही पक्षपोषण गरेकै हुन्छ।' अर्को जान्ने पल्टियो।

  • मृत्युको सौन्दर्य मृत्युको सौन्दर्य

    मृत्युसँग पनि 
    सौन्दर्यको आयामहरु हुँदोरैछ

    जस्तो कि-
    चुँडिएपछि सयपत्री गलामा झुण्डिन्छ
    चुँडिएपछि लालीगुराँस शिरमा अल्झिन्छ

    नवीन प्यासी

पाठक विचार

  • राजीनामाले उज्यालियो दाहालको छवि

    लोडसेडिङ अन्त्य, ओबरमा हस्ताक्षर, फास्ट ट्रयाक लगायतका राम्रा काम दाहाल नेतृत्वको सरकारले अघि बढाएको छ। तिनको सह्राना गर्न कन्जुस्याईं गर्न हुँदैन। मुख्य कुरा यदि दाहालको राजीनामाभित्र कुनै भित्री खेलहरु सम्मिलित छैनन् भने उहाँको यो कदम अत्यन्त प्रशंसनीय छ। साथै दाहालले आफ्नो कद उँचो गर्ने अवसर सहर्ष सदुपयोग गर्नुभएको छ। वचनमा ढुक्क बन्न नसकिने मानिस भनेर चिनिने उहाँको छवि उजिल्याएको छ।

    कल्पना भट्टराई

लोकप्रिय

सिफारिस

सूचनापाटी

छापाबाट