उपप्रधानमन्त्री नै बसे निर्वाचन आयोगविरुद्ध धर्ना

  • Get News Alerts

उपप्रधानमन्त्रीसहित चार मन्त्रीका साथ सरकारमा सहभागी राप्रपाले निर्वाचन आयोगले आफ्नो विधानबाट हिन्दू धर्म र राजसंस्था हटाइदिएको भन्दै आयोग घेराउ गरेको छ । संघीय मामिला तथा स्थानीय विकास मन्त्रालयको समेत नेतृत्व गरेका उपप्रधानमन्त्री कमल थापा सरकारी झन्डासहित निर्वाचन आयोग घेराउमा सहभागी भएका हुन् । यो खबर हामीले आजको राजधानी दैनिकबाट लिएका हौ।

घेराउका क्रममा प्रहरीले रोक्न खोज्दा भएको झडपमा राप्रपाका वरिष्ठ नेता पशुपतिशमशेर जबरासहित तीन दर्जन नेता तथा कार्यकर्ता घाइते भएका छन् । सोमबार आयोगको केन्द्रीय कार्यालय कान्तिपथमा घेराउ गर्न पुगेका राप्रपाका नेता कार्यकर्तालाई निषेधित क्षेत्रमा जानबाट रोक्न खोज्दा भएको झडपमा उनीहरू घाइते भएका हुन् ।

त्यसक्रममा प्रहरीले लाठीचार्ज र अश्रुग्याँस प्रहार गरेको थियो । त्यसको बाबजुद प्रहरीलाई पेल्दै उपप्रधानमन्त्री थापासहितका नेता–कार्यकर्ता निर्वाचन आयोगको ढोकामै धर्ना दिएका हुन् ।

राप्रपा नेता मोहन श्रेष्ठका अनुसार राप्रपाले विरोधस्वरूप आयोग कार्यालय घेराउ गर्ने कार्यक्रम तय गरेको थियो । राप्रपाका नेताले घेराउपछि सम्बोधन गर्नेसमेत कार्यक्रम थियो । त्यही क्रममा प्रहरी र राप्रपाका नेता तथा कार्यकर्ताबीच झडप भएको हो । आयोगअगाडि धर्ना रोक्न प्रहरीले बल प्रयोग गरेपछि उपप्रधानमन्त्री थापा आफैं प्रहरीकै सुरक्षामा धर्ना बस्न पुगेका हुन् । धर्नापछि थापाले आयोगमा ज्ञापनपत्रसमेत बुझाएका छन् ।

जसमा आयोगको निर्णय संविधानविपरीत भएको भन्दै सच्याउन धम्की दिइएको छ । निषेधित क्षेत्रमा जानबाट रोक्ने क्रममा भएको झडपमा वरिष्ठ नेता राणा घाइते भएपछि सो क्षेत्र निकै तनाव ग्रस्त बनेको थियो । सो क्रममा कुन्ती शाही, रोशन कार्की, कोमल ओलीसहित तीन दर्जनभन्दा बढी नेता–कार्यकर्ता घाइते भएका छन् । घाइतेहरूको वीर अस्पताल तथा मोडल अस्पतालमा उपचार भइरहेको छ ।

निर्वाचन आयोगमा भएको सो घटनापछि आयोगले कुनै पनि असहमतिका विषयमा आफ्ना मागहरू विधिसम्मत तरिकाबाट राख्न पाइने बताएको छ । निर्वाचन आयोगका प्रवक्ता सूर्यप्रसाद शर्माले कुनै पनि राजनीतिक दलले आफ्ना मागहरू आयोगसमक्ष राख्न पाउने र राप्रपाको अध्यक्षको हैसियतले कमल थापा पनि ज्ञापनपत्र बुझाउन आएकाले त्यो आचारसंहिताविपरीत नहुने स्पष्ट पारे । धर्नामा बस्दा चाहिँ आचारसंहिताविपरीतको कार्य गरेको ठहरिन्छ कि ठहरिँदैन ? भन्ने प्रश्नमा प्रवक्ता शर्माले आचारसंहितामा उल्लेख भएबमोजिम हुने बताएका छन् ।

गत १८ फागुनदेखि निर्वाचन आयोगले आचारसंहिता जारी गरिसकेको छ । आचारसंहिताले विशेषगरी सरकार र सरकारी कर्मचारीहरूसँगै मन्त्रीहरूलाई पनि गर्न हुने र नहुने काम उल्लेख छ ।

प्रतिकृया दिनुहोस

विचार

ब्लग

  • मतगणना स्थलमा जे देखियो मतगणना स्थलमा जे देखियो

    सयौं मतपत्र यस्ता थिए, जसमा ल्याप्चे लगाएर भोट हालिएको थियो। पार्टीका उम्मेदवारलाई भोट हालिसकेपछि सोही पदमा उठेका स्वतन्त्र उम्मेदवारलाई पनि भोट हालिएको धेरै पाइयो। जस्तो, रुख वा सूर्य चिह्नमा भोट हालेपछि क्यामरा वा इस्टकोट चिह्नमा मत हाल्नेको संख्या हजारौं थियो।
     

    मानवी पौडेल

  • बालबालिकाहरुमा लुकेको संबेदनशील समस्या ‘थाइराइडको समस्या’ बालबालिकाहरुमा लुकेको संबेदनशील समस्या ‘थाइराइडको समस्या’

    बिश्वमा करिब २०० मिलियन भन्दा बढी मानिसहरुमा थाइराइडको कारण बिरामी हुने गरेको पछिल्लो तथ्याङ्कहरुले देखाएका छन्। यो समस्या मध्ये ५० प्रतिशत बिरामीहरुको जनचेतना नभएको देखिएको छ। बिश्वको जनसंख्याको करिब ३० प्रतिशत मानिसहरु आयोडिन कमी भएका क्षेत्रमा बसोबास गर्ने गरेको अध्ययनहरुले देखाएको छ।

    डा. बिनोद कुमार साह

  • अमेरिकामा तालिम अमेरिकामा तालिम

    (तिब्बतबाट नेपाल आएपछि गोम्पोले पुनः विवाह गरे। सन् २००८ मा पनि मैले उनलाई भेटेको थिएँ। तिब्बती संस्कारमा मृतक व्यक्तिको नाम नभन्ने चलन छ। त्यो कुरा मलाई त्यतिबेलासम्म थाहा थिएन, थाहा भएको भए सोध्ने पनि थिइनँ। तिब्बती संस्कार थाहा पाएपछि मैले तिब्बतीसँग कुरा गर्दा नाम बताउन मिल्ने भए मात्र बताउनु होला भन्ने गरेको छु। गोम्पोले मृतक आमा र छोरीको नाम बताउँदा आँखाभरि आँसु लिएका थिए। मैले उनको पुरानो घाउ कोट्याएर दुःख दिएँ। मेरै कारण टलपलाएको थियो गोम्पोको आँखामा आँसु। क्षमा गर साङ्गे गोम्पो!)

    श्रीभक्त खनाल

साहित्यपाटी

  • प्रेम, प्लाष्टिकको फूल र बिबाह प्रेम, प्लाष्टिकको फूल र बिबाह

    प्रेमको पनि सिधा अर्थ छ यदि कोही तपाईलाई राम्रो लाग्यो भने वा तपाईँपनि कसैलाई राम्रो लाग्यो भने प्रेम हुन्छ। यस्तो प्रेमको आधार कुनै रगतको सम्बन्ध हुँदैन। कुनै सात राउण्ड जग्गेको सम्बन्ध वा रोजगारको वाध्यता केही हुन्न। केवल इमान्दार र साँचो प्रेम मात्र हुन्छ। बिना लेनदेन प्रेमको नशा उच्चतम हुन्छ।

    महेन्द्र पौडेल

  • वैंशालु मन वैंशालु मन

    'राम्रै मान्छेको हातबाट खान पाएर पनि होला, तामाको अँखोराको पानी मीठो हगी!' एउटाले मुख मिठ्यायो। 'बैँशमा त स्याल पनि घोर्ले हुन्छ भन्छन्। तर यो घोर्ल्याइँ केटा भन्दा केटीमा बढी हुन्छ, किन होला? बैँशालु केटीको छाला नरम, अनुहार उज्यालो र शरीर पनि बान्की पारेको हुन्छ। रुपै नभएका भनिनेहरु पनि केही हदसम्म ध्यान खिच्ने खाल का हुन्छन्। केटाहरुलाई चाँही राम्रो कुराले हतपती पत्याउँदैन। प्रकृतिले नै केटीहरुको केही न केही पक्षपोषण गरेकै हुन्छ।' अर्को जान्ने पल्टियो।

  • मृत्युको सौन्दर्य मृत्युको सौन्दर्य

    मृत्युसँग पनि 
    सौन्दर्यको आयामहरु हुँदोरैछ

    जस्तो कि-
    चुँडिएपछि सयपत्री गलामा झुण्डिन्छ
    चुँडिएपछि लालीगुराँस शिरमा अल्झिन्छ

    नवीन प्यासी

पाठक विचार

  • राजीनामाले उज्यालियो दाहालको छवि

    लोडसेडिङ अन्त्य, ओबरमा हस्ताक्षर, फास्ट ट्रयाक लगायतका राम्रा काम दाहाल नेतृत्वको सरकारले अघि बढाएको छ। तिनको सह्राना गर्न कन्जुस्याईं गर्न हुँदैन। मुख्य कुरा यदि दाहालको राजीनामाभित्र कुनै भित्री खेलहरु सम्मिलित छैनन् भने उहाँको यो कदम अत्यन्त प्रशंसनीय छ। साथै दाहालले आफ्नो कद उँचो गर्ने अवसर सहर्ष सदुपयोग गर्नुभएको छ। वचनमा ढुक्क बन्न नसकिने मानिस भनेर चिनिने उहाँको छवि उजिल्याएको छ।

    कल्पना भट्टराई

लोकप्रिय

सिफारिस

सूचनापाटी

छापाबाट

  • सरकारी टेलिफोन नम्बर व्यक्तिका नाममा दर्ता
  • दुबईमा नेपाली युवतीको हत्या
  • राजपामा चर्को विवाद
  • पारस खड्कासहित दर्जन बढी खेलाडीलाई सशस्त्रले हटायो
  • बूढीगण्डकी चिनियाँ कम्पनी सीजीजीसीलाई
  • पराजुलीविरुद्ध रिट हाल्ने गिरी सम्पर्कविहीन
  • यसकारण ओलीको प्रस्तावमा स्थगित भयो बैठक
  • देउवा सरकारमा राप्रपालाई ४ मन्त्रालय
  • प्रधानन्यायाधीशको दु:खेसो – ‘राम्रो गरेको कसैले सहँदो रहेनछ’
  • राजपा निर्वाचन आयोगमा