क्रिकेटमा बिना उपलब्धिको यो कस्तो उल्लास?

SAMSUNG
  • Get News Alerts

baleno
tata
भावनामा कुनै पनि खेल खेलिन्न। तर, स्पर्धा गर्दाचाहिँ खेलभावना विपरीत जान पाईंदैन।
 
खेलको नियम नै यही हो। नेपाली राष्ट्रिय क्रिकेट टोलीले ट्वेन्टी ट्वेन्टी विश्वकपमा गरेको प्रदर्शनलाई लिएर अहिले नेपालीजन पनि भावनामा बग्ने काम भइरहेको छ। क्रिकेटमा हामीले सधैंलाई पुग्ने उपलब्धि बंगलादेशमा हासिल गर्‍यौं भनेजस्तो भान भएको छ सबैमा।
 
विश्वकपको प्रारम्भिक चरणमा हङकङ र अफगानिस्तानलाई पराजित गर्दै घर फिरेको नेपाली टोलीको सम्मानमा सरकार, नेपाल क्रिकेट संघ क्यान र अन्य संघसंस्थाले नगद पुरस्कार घोषणा गरिसकेका छन्। 
 
विश्वकपमा नेपालले पाएको सफलता के साँच्चै पुरस्कारको हकदार नै हो त? यसको समीक्षा जरुरी भएको छ। अनि के खेलाडीलाई नगद पुरस्कार दिँदैमा सबैको कर्तव्य पूरा भयो त?  
 
गत नोभम्बरमा ट्वेन्टी ट्वेन्टी विश्वकपमा छनोट भएभन्दा हामीले कति अग्लो उपलब्धि हासिल गर्‍यौं त बंगलादेशमा?
 
झण्डै एक दशकपछि अफगानिस्तानलाई ट्वेन्टी ट्वेन्टीमा पराजित गर्नु नै ठूलो सफलता मान्ने हो भने भोलि अन्य टीमलाई हराउँदा खेलाडीलाई पुरस्कृत गर्ने कि नगर्ने त? 
 
विश्वकपमा उत्साहजनक प्रदर्शन गर्दै काठमाडौ  फर्केपछि नेपाली क्रिकेट टोलीका कप्तान पारस खड्काले भने, 'हामीले विश्वकपको प्रारम्भिक चरणमा सक्दो खेलेर आएका थियौं। तर, यहाँ ओर्लेपछि विश्वकपनै जितेजस्तो भइरहेको छ।'
 
खेलाडीहरु आफैंले अझै धेरै गर्न बाँकी छ भनिरहँदा हामीले उनीहरुलाई विश्वकप विजेताको अनौपचारिक पगरी गुथाउन शायद नसुहाउने काम हो। 
 
खेलाडीको मनोबल उचो राख्न सके मात्रै प्रत्येक खेलमा अनुकुल नतिजा आउँछ। मनोबल उचो राख्ने निर्विकल्प उपाय खेलाडीलाई दिइने नगद पुरस्कार पक्कै हैन। अझ एउटै उपलब्धिमाथि टेकेर पटकपटक नगद पुरस्कार दिने काम त हुँदै हैन।
 
पुरस्कार रकम एउटा साधन हुनसक्ला तर साध्य चाहिँ उनीलाई खेल्नका लागि प्रदान गरिने पूर्वाधार र वातावरण नै हो।
 
नेपालकै समूहमा रहेको अर्को एसोसिएट राष्ट्र हङकङले टेष्ट मान्यता प्राप्त बंगलादेशलाई लिग चरणको अन्तिम खेलमा पराजित गर्दै इतिहास रच्यो। हाम्रो सफलता त्यही स्तरको हो त? दुई खेल जितेर पनि सुपर टेनमा पुग्न सकिएन भनेर क्रिकेटको नियममाथि धारे हात लगाउनु भनेको भावनामा बग्ने भन्दा अर्को कदम हैन। तर, हाम्रा खेलाडीले बंगलादेशमा आफूले सक्दो मिहेनत गरे र दुई जित हात पारे। त्यसबापत उनीहरुलाई नगद पुरस्कार दिएर मात्रै सम्मान गरिनुपर्ने हो त? 
 
नेपालले अबको ९ महिना मात्रै एउटा अन्तर्राष्ट्रिय प्रतियोगिताबाहेक अन्यमा सहभागिता जनाउने छैन। विश्वकप छनोटका लागि स्वदेश र विदेश गरी अघिल्लो बर्षभर व्यस्त रहेका नेपाली क्रिकेटरले मलेसियामा हुने एसीसी प्रिमियर लिग क्रिकेट मात्रै हो।
 
मौका मिले नेपालले कोरियाको इन्च्योनमा हुने १७ औं संस्करणको एशियाली खेलकुद खेल्नेछ। अन्तर्राष्ट्रिय क्रिकेट परिषद आई.सी.सी र एशियाली क्रिकेट परिषद एसीसीको क्यालेण्डरबाहेक क्यानसँग खेलाडीलाई व्यस्त राख्ने कुनै कार्ययोजना र तालिका छैन। 
 
बंगलादेशमा विश्वकप खेलका राष्ट्रहरुमध्ये सबैभन्दा कमजोर पूर्वाधार भएको राष्ट्र नेपाल नै हो।
 
एउटा अन्तर्राष्ट्रिय स्तरको रंगशाला समेत नभएको मुलुकले ट्वेन्टी ट्वेन्टी विश्वकप खेल्नु आफैंमा ठूलो उपलब्धि हो। यही उपलब्धि हासिल गरेपछि सरकारले क्रिकेटरलाई जनही १० लाख रुपैंया, व्यापारिक प्रतिष्ठानहरुले २ बर्षसम्म जागिर र अन्य संघसंस्थाहरुले केही नगदसहितको सम्मान गरिसकेका छन्।
 
अब फेरि सम्मानको क्रमको शुरुवात गर्नुभन्दा पूर्वाधार विकासमा जोड दिनसकेमात्रै भोलि अरु पारस खड्काहरु जन्मिन सक्छन्। खेलाडी बिशेषमा लगानी गर्नुभन्दा ती खेलाडीलाई खेल्ने वातावरण तयार पार्नु मुख्य तर चुनौतीपूर्ण कार्य हो। 
साँच्चै भन्ने हो भने एसोसिएट राष्ट्रको सदस्यता सन् १९९६ मा लिए पनि नेपालले त्यसयता क्रिकेटको भौतिक पूर्वाधारमा खासै परिवर्तन गर्न सकेको छैन। यही पूर्वाधारले नेपाललाई वन डे विश्वकप र अर्को ट्वेन्टी ट्वेन्टी विश्वकपमा नपुर्‍याउन सक्छ। 
 
कप्तान पारसले भनेका थिए, 'सफलताले धेरै पक्ष लुकाउँछ तर हारले सबै पक्ष उदाङ्गो पारिदिन्छ।' शायद हामी पनि सिमित स्रोतसाधन र पूर्वाधारकाबीच पाएको सफलतामार्फत् आफ्नो कमजोरी लुकाउने प्रयास गरिहरका छौं। क्रिकेटरलाई सम्मान गरेर आफ्नो दुनो सोझ्याउने यत्नमै रुमल्लिरहेका छौं, अझै पनि हामी। 
 
न्यूजिल्याण्डमा वन डे विश्वकप छनेाटमा समूह चरणका सबै चार खेल र प्लेअफमा समेत पराजय भोग्दै स्वदेश फर्किएको नेपाली टोलीको स्वागतमा एयरपोर्टमा मुस्किलले आधा दर्जन समर्थक र क्रिकेट पदाधिकारी पुगेको दृश्यले क्रिकेटप्रतिको हाम्रो कर्तव्य र सम्मान पनि उदाङ्गो पारिदिएको छ। 
 
त्यसैले उपलब्धि र पराजय दुबैलाई वस्तुपरक ढंगबाट विश्लेषण गरिनुपर्छ। एउटा जितले संसारै प्राप्त गर्ने र अर्को हारमा सर्वस्व हरण भएजस्तो गर्ने प्रवृतिको अन्त्य हुनुपर्छ। नत्र, खेलाडी सधैं हामीलाई खेल्ने वातावरण देऊ भनिरहने तर क्रिकेटको डाडू पन्यु समातेर बसेकाहरुचाहिं क्षणिक लाभहानीमा अल्झिरहने हो भने नेपाली क्रिकेट उँभोभन्दा उँधो गति लाग्न बेर छैन। 
 
यस्तोमा फेरि कप्तान पारसकै भनाइ उद्धृत गर्न मन लाग्यो। उनले भनेका थिए, 'हामीले सक्दो खेल्यौं। अब नेपाली क्रिकेटलाई माथि पुर्‍याउने हो भने क्यानमा पनि क्रिकेट व्यवस्थापकहरुको प्रवेश हुन जरुरी छ।' त्यसका लागि खेलाडीमा समेत लगानी गर्दै बढी जोड पूर्वाधारमा दिनुको कुनै विकल्प छैन।
 
किनभने खेलाडी सधैंभरि खेलमा सक्रिय नहुनसक्छ। तर, पूर्वाधार दरो बन्यो भने भोलि नयाँले पुरानालाई सजिलै बिस्थापित गर्नसक्छन्। अन्यथा प्रतिकुल नजिता सधै हाम्रो पक्षमा पर्नेछ।
 
नेपालमा एउटा अर्को खेल पनि छ, जसले ठूला र बलिया राष्ट्रसँग बराबरी र कम अन्तरमा पराजित भएको खुशीयालीमा खेलाडीहरुलाई नगदबाट पुरस्कृत गर्नेगर्छ। त्यो हो फुटवल। भदौमा सम्पन्न साफ च्याम्पियनसिपमा भारतलाई पराजित गर्न सकेकोमा नेपाली टोलीलाई पुरस्कृत गरियो ।
 
यसअघि पनि राम्रो प्रदर्शन गरेको भन्दै नेपाली फुटवलको सर्वोच्च निकाय, अखिल नेपाल फुटवल संघ एन्फाले खेलाडीलाई बिना उपलब्धि पुरस्कृत गर्ने गरेको थियो। हार्दा पनि पुरस्कृत हुने भएकाले नै होला फुटवलले अहिलेसम्म उल्लेख्य उपलब्धि हासिल गर्न सकेको छैन। अब त्यो रोग नेपाली क्रिकेटमा नसरोस्। शुभकामना। 

आचार्यको ब्लगबाट

hundai
national
nic
mahindra
nic asia

प्रतिकृया दिनुहोस

बिज्ञापन

mahindra

विचार

Hyundai

किनमेल

apex

ग्लोबल

vianetwlink

कला

अंग्रेजी संस्करणबाट

ब्लग

  • फिनल्याण्ड आउँदै हुनुहुन्छ यसो गर्नुहोस् फिनल्याण्ड आउँदै हुनुहुन्छ यसो गर्नुहोस्

    मास्टर तहको पढाई विश्वविद्यालयहरुमा हुन्छ। केही पोलिटेक्निक्सले मास्टर तहको पढाई पनि सञ्चालन गर्छन तर त्यसका लागि काम गरेको अनुभव खोजिन्छ । हेलसिन्की विश्वविद्यालय, आल्टू विश्वविद्यालय विश्वकै उत्कृष्ट विश्वविद्यालयहरू हुन्। यी विश्वविद्यालयमा भर्ना निकै प्रतिस्पर्धात्मक हुन्छ। फ़िनल्याण्डमा वर्षको एक पटक विधार्थी भर्ना कार्यक्रम हुन्छ, अगस्ट -सेप्टेम्बरमा।

    प्रकाश पोखरेल

  • बढ्दो आत्महत्या सामाजिक सरोकारको विषय बढ्दो आत्महत्या सामाजिक सरोकारको विषय

    आत्महत्याको घटनालाई कुनै परिवारको निजी मामला भनेर अनदेखा गर्नु भन्दा पनि एउटा सामाजिक, सांस्कृतिक, लैंगिक, आर्थिक, मानसिक र मनोवैज्ञानिक दृष्टिकोणबाट विश्लेषण गर्नु जरुरी छ। गहन विश्लेषण बिना सरल अभिव्यक्ति दिएर सामाजिक दायित्वबाट पन्छिनु चेतनशील व्यक्तिको पहिचान होइन। एक आपसमा सहयोगको भावना, मनोबैज्ञानिक तथा मानसिक समस्याबारे शिक्षा/चेतना,  सकारात्मक सोचाई, स्वस्थ प्रतिस्पर्धा र सामाजिक समस्याहरुप्रतिको संवेदनशीलतालाई प्रोत्साहन गर्ने हो भने आत्महत्याद्वारा अकाल मृत्युको घटनालाई धेरै हदसम्म न्युनिकरण गर्न सकिन्छ।

    बिभु थपलिया श्रेष्ठ

  • एउटा नर्सको स्विकारोक्ती: के डा. केसी राष्ट्रद्रोही नै हुन् त? एउटा नर्सको स्विकारोक्ती: के डा. केसी राष्ट्रद्रोही नै हुन् त?

    म एक स्वास्थकर्मी हुँ। मैले मुलुकका बिभिन्न जिल्लाहरुमा करिब १५ वर्षसम्म नर्सिङ सेवा प्रदान गरे। मेरो कार्यक्षेत्र दुर्गम र सुगम दुवै ठाउँमा थियो। भाग...

    सुशिला पाण्डे

साहित्यपाटी

  • प्रेम, प्लाष्टिकको फूल र बिबाह प्रेम, प्लाष्टिकको फूल र बिबाह

    प्रेमको पनि सिधा अर्थ छ यदि कोही तपाईलाई राम्रो लाग्यो भने वा तपाईँपनि कसैलाई राम्रो लाग्यो भने प्रेम हुन्छ। यस्तो प्रेमको आधार कुनै रगतको सम्बन्ध हुँदैन। कुनै सात राउण्ड जग्गेको सम्बन्ध वा रोजगारको वाध्यता केही हुन्न। केवल इमान्दार र साँचो प्रेम मात्र हुन्छ। बिना लेनदेन प्रेमको नशा उच्चतम हुन्छ।

    महेन्द्र पौडेल

  • वैंशालु मन वैंशालु मन

    'राम्रै मान्छेको हातबाट खान पाएर पनि होला, तामाको अँखोराको पानी मीठो हगी!' एउटाले मुख मिठ्यायो। 'बैँशमा त स्याल पनि घोर्ले हुन्छ भन्छन्। तर यो घोर्ल्याइँ केटा भन्दा केटीमा बढी हुन्छ, किन होला? बैँशालु केटीको छाला नरम, अनुहार उज्यालो र शरीर पनि बान्की पारेको हुन्छ। रुपै नभएका भनिनेहरु पनि केही हदसम्म ध्यान खिच्ने खाल का हुन्छन्। केटाहरुलाई चाँही राम्रो कुराले हतपती पत्याउँदैन। प्रकृतिले नै केटीहरुको केही न केही पक्षपोषण गरेकै हुन्छ।' अर्को जान्ने पल्टियो।

  • मृत्युको सौन्दर्य मृत्युको सौन्दर्य

    मृत्युसँग पनि 
    सौन्दर्यको आयामहरु हुँदोरैछ

    जस्तो कि-
    चुँडिएपछि सयपत्री गलामा झुण्डिन्छ
    चुँडिएपछि लालीगुराँस शिरमा अल्झिन्छ

    नवीन प्यासी

पाठक विचार

  • राजीनामाले उज्यालियो दाहालको छवि

    लोडसेडिङ अन्त्य, ओबरमा हस्ताक्षर, फास्ट ट्रयाक लगायतका राम्रा काम दाहाल नेतृत्वको सरकारले अघि बढाएको छ। तिनको सह्राना गर्न कन्जुस्याईं गर्न हुँदैन। मुख्य कुरा यदि दाहालको राजीनामाभित्र कुनै भित्री खेलहरु सम्मिलित छैनन् भने उहाँको यो कदम अत्यन्त प्रशंसनीय छ। साथै दाहालले आफ्नो कद उँचो गर्ने अवसर सहर्ष सदुपयोग गर्नुभएको छ। वचनमा ढुक्क बन्न नसकिने मानिस भनेर चिनिने उहाँको छवि उजिल्याएको छ।

    कल्पना भट्टराई

लोकप्रिय

सिफारिस

सूचनापाटी

छापाबाट

vianetwlink