कांग्रेस नेता विश्वप्रकाश शर्माको केपी ओलीलाई पत्र-किन छोड्नु भएको त्यो झापा?

SAMSUNG
  • Get News Alerts

baleno
tata

आदरणिय केपी ओलिज्यू

अध्यक्ष नेकपा एमाले

सम्मानसाथ हार्दिक जय नेपाल

म जान्दछु हामी झापाली हुनुभन्दा अघि नेपाली हौं। अतः झापाबाट नामसारी गरेर भक्तपुरको बालकोटमा भोट हाल्नु भएकोमा यहाँप्रति मेरो कुनै आपत्ति छैन। मेरो पार्टीको नेता नभए पनि यहाँ मेरो देशको एक अग्रज नेता हुनुहुन्छ र मैले सदैव सम्मान गरेको एक नेता हुनुहुन्छ।

एउटा राष्ट्रिय नेता कुनै एक जिल्लाको मात्रै हुनसक्दैन्।

कहाँ-कुन ठाँउको मतदाता बन्ने त्यो सम्बन्धित व्यक्तिको निजी छनोट र निर्वाचन आयोगले निर्धारण गरेको विधिभित्रको कुरा हो। ऐतिहासिक सुन्दर नगरीमा आफ्नो भोट हाल्नु भयो, यसमा कसैले पनि आपत्ति प्रकट गर्न मिल्दैन।

तर पनि एउटा प्रश्न भने भीषण ढंगले मनमा उब्जिएको छ-‘केपी कमरेड यहाँले झापा किन छोड्नुभयो?’

त्यो झापा…,जहाँ संघर्ष गरेर तपाईं उठ्नु भयो, जहाँ छ `सुखानी´ अनि तपाईंका दौंतरीका सम्झनाहरू, जहाँ छन् तपाईँका लागि जीवन दिनसक्ने सयौं एमाले कार्यकर्ता।

त्यो झापा…,जहाँ पवित्र कन्काई माइ छ।

जहाँ कृष्ण थुम्की र अर्जुनधारा धाम छ। जहाँ केचनाकवल अनि ऐतिहासिक विराटपोखरी छ।

त्यो झापा…, जहाँ छन् सिरूवा मनाउने राजवंशी,ताजपुरिया र गनगाइहरू।

अनि छन् सेउपाखा भन्ने धिमाल, मेहनती मेचेँ, संस्कृतिका धनी सन्थाल अनि अनेक जाती-भाषी र अनेक धर्मावलम्बीहरू।

त्यसैले फेरि शोध्न चाहन्छु- आदरणीय केपि कमरेड तपाईँले किन छोड्नु भएको त्यो झापा?

बसोबास धेरै नेताको काठमाडौंमा छ तर ‘ती धेरै’ प्रायले आफ्नै पुरानो थातथलोमा गएर मत खसाल्ने गरेका छन्। जस्तो कि प्रधानमन्त्री प्रचण्डले वैशाख ३१ को बिहानै चितवनमा मतदान गर्नुभयो, रामचन्द्र पौडेलले तनहुँमा।  हुँदाहुँदा कमल थापा पनि मत दिन हेटौंडा पुग्नुभयो। नेपालभरिको कुन ठाउँमा मतदान गर्ने भन्ने प्रश्न प्राविधिक विषय मात्रै होइन, यो त त्यो ठाउँसँग गाँसिने भावनात्मक सम्बन्धको प्रश्न पनि हो। भनिन्छ नि ‘मत त्यहाँ खस्छ जहाँ मन बस्छ।’ त्यसैले शोध्नुपरेको हो -कमरेड झापामा रहेको तपाईँको मताधिकारलाई किन छाड्नु भएको?

संघीयताले हामीलाई गाउँ जा’ भन्छ, अत अब सबैजना गाउँ जाउँ, त्यहीँ जीवन खोजौ, त्यहीँ मन देउ/त्यहीँ मत देउ ,यहाँले त त्यसो पो भन्नू पर्थ्यो। संविधानले स्थानीय तहलाई स्वशासनका लागि प्रशस्तै अधिकार दिएको छ,

त्यो अधिकारको बाटोबाट गाउँको समृद्धि र ब्यक्तिगत उन्नति खोज्न गाउँनै जाउँ। यहाँले आफ्नै शैलीमा‘अधिकार जति गाउँतिर तिमिचैं कता ठिमितिर?’ भन्नुपर्थ्यो। तर कमरेड देख्नु र सुन्नु हामीले अर्कै पर्‍यो।

आदरणीय कमरेड,

म फेरि भन्छु हामी झापाली हुनुभन्दा अघि नेपाली हौं। नेपालको हित हुनसके झापाको पनि हित भइ हाल्छ। तर, हाम्रो सपनाको नेपाल भनेको सबै नेपाली काठमाडौंको भूगोलमा थुप्रने भन्ने होइन। आ-आफ्नो जिल्ला र गाउँ बनाउन दत्तचित्त हुनु भनेको पनि नेपाल बनाउन योगदान गर्नु हो। एक ‘राजनेता’ हुनुको हैसियतमा तपाईँको ब्यक्तित्वले शहरलाई होइन गाउँलाई केन्द्र बनाउन अपिल गर्नुपर्दथ्यो। गाउँको माटोलाई छाडेर शहरको धुलोमा देश खोज्न निरुत्साहित गर्नु पर्दथ्यो। कमरेड आफ्नै पिताजीलाई शोध्नुस् किन उहाँलाई प्रधानमन्त्री छोराको बालुवाटारमा भन्दा झापा गाउँको बालुवा र धुलोको बसाइ उचित लाग्यो?

आफ्नै अन्तरआत्मालाईपनि शोध्नुस् कमरेड तपाईँलाई चारवटा निर्वाचन जिताउने झापामा आगामी निर्वाचनहरुमा तपाईँको `मत´ पाउने हक एमालेको कुनै कार्यकर्ता साथीलाई थियो कि थिएन? अब ती कार्यकर्ताले तपाईंको गृह जिल्ला भनेर झापाको नाम लिने कि भक्तपुरको?

यद्यपी आजका अनेकौं राजनीतिक मुद्दाका सामु यो विषय गम्भीर छलफल गरिनैपर्ने विषय निश्चयनै होइन। तर, यो प्रकरणले जे सन्देश गएको छ त्यो महत्त्वपूर्ण भएकाले यो पत्र र प्रश्न अघि सारेको हुँ। भोलि सबै नेतृत्वगण आफ्नो सुविधाका लागि काठमाडौं केन्द्रीत मतदाता बन्न लागे भने ‘गाउँ केन्द्रीत बनौं, गाउँलाई बस्न योग्य बनाऔं, गाउँमै जीवन अर्पित गरौं’ भन्ने भावनाको विकास कसरी होला?

नेतृत्वले शहरको बुथ रोज्न थालेपछि कार्यकर्ताले या सामान्य नागरिकले काठमाडौं छाडेर पार्टी जिताउन गाउँ किन जाने? नेता-कार्यकर्ता सबैले सहर ताकेपछि गाउँमा भविस्य खोज्न सकिन्छ भनेर नागरिकमा उत्प्रेरणा कसले भर्ने?

आदरणीय केपी कमरेड,

तपाईँ पार्टीको अध्यक्ष पदको उम्मेदवार भएका बेला तपाईँको विरोधी खेमाबाट ‘बिरामीलाई पार्टी अध्यक्ष कसरी बनाउने?’ भनेर प्रश्न उठाइएको थियो। सो बेला मैले लेख मार्फत आग्रह लेखे ‘नेतृत्व कसलाई दिने भनेर राजनीतिमा मेडिकल रिपोर्ट होइन पोलिटिकल रिपोर्ट हेर्नुपर्छ।’ अझपछि ‘सुशील कोइराला उम्मेदवार बन्नुहुन्न प्रधानमन्त्री केपि ओली बन्नुपर्छ’, लेखेँ। हिजोका ती लेखाइ मीठो लागे होलान्, आजको यो लेखाइ तितो लाग्ला। तर लेख्दा कलम र विवेकप्रति इमानदारीता राखेर  लेख्नुपर्छ, भन्ने मान्यतामै उभिएर लेखिरहेको छु नेता या राजनेता सिंगो देशको हुन्छन् तर मतदाता आफ्नो गाउँको हुन्छ। नेतृत्व देशको गर्छौ भन्ने कुनै पनि ब्यक्तित्वले आफ्नो थातथलोमा रहेको आफ्नो मतदाता हक गाउँबाट शहर लग्नुहुन्न।

चुनाव लड्न देशभरी जहाँ पनि जान सकिन्छ, त्यो राजनीतिक कुरा हो तर आफ्नो मत प्रकट गर्ने आफ्नो हक आफ्नै कर्मभूमिमा राखिरहनु फरक धर्म र दायित्वको कुरा हो।

झापाकै एमालेका कार्यकर्तालाई शोध्नुस् तिनले पनि भन्ने छन् ‘कमरेड तपाईँ नेतृत्व देशकै गर्नोस्, तर आफ्नो थातथलो नछाड्नोस्, बरू सहरको सुविधा गाउँमा पुर्‍याउन तर्फ लाग्नोस्, तर गाउँको मताधिकारलाई सहरको सुविधातिर नलग्नोस्।’

कमरेड स्थानीय चुनावमा त भक्तपुरमा दिइसक्नु भयो मत, आशा गर्छु अर्को पटकको निर्वाचनमा तपाईँ  आफ्नै गाउँ फर्की आएँ भनेर हामीसँगै उभिनु हुनेछ मतदान गर्न झापाकै कुनै बुथमा!

विश्वप्रकाश शर्मा

झापा

hundai
national
nic
mahindra
nic asia

प्रतिकृया दिनुहोस

बिज्ञापन

mahindra

विचार

Hyundai

किनमेल

apex

ग्लोबल

vianetwlink

कला

अंग्रेजी संस्करणबाट

ब्लग

  • फिनल्याण्ड आउँदै हुनुहुन्छ यसो गर्नुहोस् फिनल्याण्ड आउँदै हुनुहुन्छ यसो गर्नुहोस्

    मास्टर तहको पढाई विश्वविद्यालयहरुमा हुन्छ। केही पोलिटेक्निक्सले मास्टर तहको पढाई पनि सञ्चालन गर्छन तर त्यसका लागि काम गरेको अनुभव खोजिन्छ । हेलसिन्की विश्वविद्यालय, आल्टू विश्वविद्यालय विश्वकै उत्कृष्ट विश्वविद्यालयहरू हुन्। यी विश्वविद्यालयमा भर्ना निकै प्रतिस्पर्धात्मक हुन्छ। फ़िनल्याण्डमा वर्षको एक पटक विधार्थी भर्ना कार्यक्रम हुन्छ, अगस्ट -सेप्टेम्बरमा।

    प्रकाश पोखरेल

  • बढ्दो आत्महत्या सामाजिक सरोकारको विषय बढ्दो आत्महत्या सामाजिक सरोकारको विषय

    आत्महत्याको घटनालाई कुनै परिवारको निजी मामला भनेर अनदेखा गर्नु भन्दा पनि एउटा सामाजिक, सांस्कृतिक, लैंगिक, आर्थिक, मानसिक र मनोवैज्ञानिक दृष्टिकोणबाट विश्लेषण गर्नु जरुरी छ। गहन विश्लेषण बिना सरल अभिव्यक्ति दिएर सामाजिक दायित्वबाट पन्छिनु चेतनशील व्यक्तिको पहिचान होइन। एक आपसमा सहयोगको भावना, मनोबैज्ञानिक तथा मानसिक समस्याबारे शिक्षा/चेतना,  सकारात्मक सोचाई, स्वस्थ प्रतिस्पर्धा र सामाजिक समस्याहरुप्रतिको संवेदनशीलतालाई प्रोत्साहन गर्ने हो भने आत्महत्याद्वारा अकाल मृत्युको घटनालाई धेरै हदसम्म न्युनिकरण गर्न सकिन्छ।

    बिभु थपलिया श्रेष्ठ

  • एउटा नर्सको स्विकारोक्ती: के डा. केसी राष्ट्रद्रोही नै हुन् त? एउटा नर्सको स्विकारोक्ती: के डा. केसी राष्ट्रद्रोही नै हुन् त?

    म एक स्वास्थकर्मी हुँ। मैले मुलुकका बिभिन्न जिल्लाहरुमा करिब १५ वर्षसम्म नर्सिङ सेवा प्रदान गरे। मेरो कार्यक्षेत्र दुर्गम र सुगम दुवै ठाउँमा थियो। भाग...

    सुशिला पाण्डे

साहित्यपाटी

  • पैंचो पैंचो

    दुर दराजबाट

    मैलो र फाटेको लुगामा सजिएर

    आफूलाई धकेल्दै आफैंले

    हर्केकी छोरीले ल्याइपुर्‍याएकी छ

    सिंहको गर्जन चल्ने ठाउँमा।

    सिर्जना सुवेदी

  • अजरा ब्युँझनुअघि अजरा ब्युँझनुअघि

    स्थिति सकसपूर्ण छ। अब कुरा कसरी अगाडि बढाउने साएथुरेनलाई थाहा छैन। मौनतालाई चिर्दै सेतो कार निक्कै स्पिडमा कण्डोयोकी गार्डेनको पश्चिम गेटबाट छिर्छ। उनीहरु उभिइरहेको ठाउँबाट प्रष्ट त्यो देखिन्छ। गाडी अचानक रोकिन्छ। निकै हतारमा एउटी अर्की महिला गाडीबाट ओर्लिन्छे र साएथुरेनहरु भएतिर आउँछे। उसले चोको हात समाएर तान्छे र कानेखुसीको पारामा अजराकी आमालाई भन्छे, ‘तैंले गर्दा हामीलाई पनि समस्या भएको छ। छिमेकीहरुले प्रश्न गर्छन्। पुलिसले पनि चियो गर्छ। बाहिरबाट आएका कुलाहरुलाई शरण नदिनु भनेर पुलिसले उर्दी गरेको छ। आजदेखि आफ्नो व्यवस्था आफैं गर। सबभन्दा राम्रो त तँ त्यही मस्जिदमा जा।’ चोलाई घिसार्दै महिला अघि बढ्छे।

    घिमिरे युवराज

  • सिकर्मीको सिसाकलम सिकर्मीको सिसाकलम

    काकाले आश्चर्य मान्दै मुन्टो हल्लाएर थप्नुभयो, ‘हो नि त, कति चाँडो कुरा बुझेको। जीवनमा मात्रै हैन, संसारमा नै नराम्रा चिज जति चिन्न सक्यो र फाल्न सक्यो भने त सबै राम्रैराम्रा त बाँकी हुन्छन् नि।’सिकर्मीका कुरा मलाई साहै्र घत लाग्यो। ती कुराले मलाई आँखा खुलेजस्तै भयो। उहाँ पक्कै पनि आदरणीय हुनुहुन्छ भन्ने मलाई लाग्यो। अझ उहाँले कानमा सिउरने गरेको सिसाकलम पनि मलाई महान् लाग्यो। मनमा लागेका कुरा मैले रोकिरहन सकिनँ। ‘काका, तपाईंको त्यो सिसाकलमचाहिँ मलाई दिनोस् न है।’ मैले मुख फोरिहालेँ, ‘बरु मैले भर्खरै किनेका नयाँ सिसाकलम तपाईंलाई दिन्छु, हुन्न?’ मेरा कुरा सुनेर हाँसिरहेका काकाले बिस्तारै हाँसो रोकेर भन्नुभयो, ‘यो सिसाकलम त्यस्तो विशेष केही होइन। तिम्रोजस्तै साधारण हो।’

    अनन्त वाग्ले

पाठक विचार

  • राजीनामाले उज्यालियो दाहालको छवि

    लोडसेडिङ अन्त्य, ओबरमा हस्ताक्षर, फास्ट ट्रयाक लगायतका राम्रा काम दाहाल नेतृत्वको सरकारले अघि बढाएको छ। तिनको सह्राना गर्न कन्जुस्याईं गर्न हुँदैन। मुख्य कुरा यदि दाहालको राजीनामाभित्र कुनै भित्री खेलहरु सम्मिलित छैनन् भने उहाँको यो कदम अत्यन्त प्रशंसनीय छ। साथै दाहालले आफ्नो कद उँचो गर्ने अवसर सहर्ष सदुपयोग गर्नुभएको छ। वचनमा ढुक्क बन्न नसकिने मानिस भनेर चिनिने उहाँको छवि उजिल्याएको छ।

    कल्पना भट्टराई

लोकप्रिय

सिफारिस

सूचनापाटी

छापाबाट

vianetwlink