जीवनतिर फर्कने याम (फोटोफिचर)

  • Get News Alerts

चेरीका फूलहरु

कवि र प्रेमीले सबैभन्दा धेरै माया गर्ने शब्द फूल हो। फूल जीवनतिर फर्कँदै गरेको एउटा बिम्ब हो। कवि र प्रेमीहरु हर्दम जीवन तिर फर्कन्छन्। प्रत्येक मान्छे एक पल्ट कवि र प्रेमी बन्छ।

म बस्ने देश दक्षिण कोरियामा भर्खरै हिउँद सकिएको छ र वसन्त ऋतु सुरु भएको छ।

पानी भर्खरै आफ्नो नियमित जीवनतिर फर्केर बग्न थालेको छ।

हिउँदभर यहाँको हरियो प्रकृति कोमामा जान्छ। पानी बरफ बन्छ। बग्दा बग्दै जम्छ। माटो जमेर ढुंगो बन्छ। रुखका जराहरु बिनाविद्रोह बुद्ध बनेर ध्यानमा बस्छन्। प्रत्येक रुखबाट प्रत्येक पात झरेर नाङ्गै बन्छन्। कुन रुख कुन जातको हो थाहा हुँदैन। सायद, दुःखका बेला सबै जात, सबै धर्म, सबै गोत्र एकै हुन भन्ने सन्देशको लागि यी सबै रुख नांगिन्छन् होला।

कोरियाका गाउँघरहरु ठिक हाम्रा लेकाली बस्तीजस्ता छन्। माटो ढुंगाले बनाइएका स–साना घरहरु जंगली जनावरबाट सुरक्षित राख्न ढुंगाको पर्खाल लगाइएको हुन्छ। यी मौलिक घरहरुको चिम्नीबाट हिँउदभर नियमित धुवाँ पुत्पुताउँछ।

हिउँदमा घर न्यानो बनाउन दाउरा बाल्ने चलन छ।
हिउँद साह्रै उदास, उराठ र दिक्क लाग्दो हुन्छ।

यस्तो दिक्क लाग्दो हिउँद सक्किना साथ ती घरहरुबाट धुवाँ पुत्पुताउन बन्द हुन्छ। कोमामा गएको साकुरा (चेरी) जीवनतिर फर्केर मुस्कुराउँछ। जमिनमा आशाका बिम्बस्वरुप वनस्पती अंकुराउँछ।
अनि मान्छेमा आशा पलाउँछ। खेतीपातीको याम सुरु हुन्छ। बुढाबुढी कुटो कोदालो बोकेर खेतबारीमा निस्कन्छन्। स्कुले केटाकेटी स्कुलतिर फर्कन्छन्।

अप्रिलको झरीमा भिजेको माटोबाट मिठो वासना आउँछ।

जताततै स्निग्ध सेतो साकुरा फुल्छ।

कोरियाको अनेक ठाउँमा ‘फोतकोत छुक्छे’ (चेरी ब्लोसम फेस्टिभल) हुन्छ। जहाँ एकै दिनमा लाखौं मान्छे पुग्छन्। जीवनतिर फर्केर मुस्कुराइरहेका चेरीलाई साक्षी राखेर भन्छन्, ‘हामी जस्तोसुकै दुःखमा पनि हार्दैनौं। हामी धैर्य गर्छौं। हामी हरदम जीवनतिर फर्कने बाटो खोज्छौं।’

अप्रिल दुईमा कोरियाको ‘छिने फोतकोत छुक्छे’ (छिने चेरी ब्लोसन फेस्टिभलमा) हजारौं मान्छे पुगेका थिए। जहाँ मान्छेले उराठलाग्दो हिउँदलाई बिर्सेर वसन्त ऋतु मनाइरहेका थिए। जहाँ मान्छे मुस्कुराइरहेका थिए।

 

प्रतिकृया दिनुहोस

विचार

किनमेल

ग्लोबल

कला

अंग्रेजी संस्करणबाट

ब्लग

  • मतगणना स्थलमा जे देखियो मतगणना स्थलमा जे देखियो

    सयौं मतपत्र यस्ता थिए, जसमा ल्याप्चे लगाएर भोट हालिएको थियो। पार्टीका उम्मेदवारलाई भोट हालिसकेपछि सोही पदमा उठेका स्वतन्त्र उम्मेदवारलाई पनि भोट हालिएको धेरै पाइयो। जस्तो, रुख वा सूर्य चिह्नमा भोट हालेपछि क्यामरा वा इस्टकोट चिह्नमा मत हाल्नेको संख्या हजारौं थियो।
     

    मानवी पौडेल

  • बालबालिकाहरुमा लुकेको संबेदनशील समस्या ‘थाइराइडको समस्या’ बालबालिकाहरुमा लुकेको संबेदनशील समस्या ‘थाइराइडको समस्या’

    बिश्वमा करिब २०० मिलियन भन्दा बढी मानिसहरुमा थाइराइडको कारण बिरामी हुने गरेको पछिल्लो तथ्याङ्कहरुले देखाएका छन्। यो समस्या मध्ये ५० प्रतिशत बिरामीहरुको जनचेतना नभएको देखिएको छ। बिश्वको जनसंख्याको करिब ३० प्रतिशत मानिसहरु आयोडिन कमी भएका क्षेत्रमा बसोबास गर्ने गरेको अध्ययनहरुले देखाएको छ।

    डा. बिनोद कुमार साह

  • अमेरिकामा तालिम अमेरिकामा तालिम

    (तिब्बतबाट नेपाल आएपछि गोम्पोले पुनः विवाह गरे। सन् २००८ मा पनि मैले उनलाई भेटेको थिएँ। तिब्बती संस्कारमा मृतक व्यक्तिको नाम नभन्ने चलन छ। त्यो कुरा मलाई त्यतिबेलासम्म थाहा थिएन, थाहा भएको भए सोध्ने पनि थिइनँ। तिब्बती संस्कार थाहा पाएपछि मैले तिब्बतीसँग कुरा गर्दा नाम बताउन मिल्ने भए मात्र बताउनु होला भन्ने गरेको छु। गोम्पोले मृतक आमा र छोरीको नाम बताउँदा आँखाभरि आँसु लिएका थिए। मैले उनको पुरानो घाउ कोट्याएर दुःख दिएँ। मेरै कारण टलपलाएको थियो गोम्पोको आँखामा आँसु। क्षमा गर साङ्गे गोम्पो!)

    श्रीभक्त खनाल

साहित्यपाटी

  • प्रेम, प्लाष्टिकको फूल र बिबाह प्रेम, प्लाष्टिकको फूल र बिबाह

    प्रेमको पनि सिधा अर्थ छ यदि कोही तपाईलाई राम्रो लाग्यो भने वा तपाईँपनि कसैलाई राम्रो लाग्यो भने प्रेम हुन्छ। यस्तो प्रेमको आधार कुनै रगतको सम्बन्ध हुँदैन। कुनै सात राउण्ड जग्गेको सम्बन्ध वा रोजगारको वाध्यता केही हुन्न। केवल इमान्दार र साँचो प्रेम मात्र हुन्छ। बिना लेनदेन प्रेमको नशा उच्चतम हुन्छ।

    महेन्द्र पौडेल

  • वैंशालु मन वैंशालु मन

    'राम्रै मान्छेको हातबाट खान पाएर पनि होला, तामाको अँखोराको पानी मीठो हगी!' एउटाले मुख मिठ्यायो। 'बैँशमा त स्याल पनि घोर्ले हुन्छ भन्छन्। तर यो घोर्ल्याइँ केटा भन्दा केटीमा बढी हुन्छ, किन होला? बैँशालु केटीको छाला नरम, अनुहार उज्यालो र शरीर पनि बान्की पारेको हुन्छ। रुपै नभएका भनिनेहरु पनि केही हदसम्म ध्यान खिच्ने खाल का हुन्छन्। केटाहरुलाई चाँही राम्रो कुराले हतपती पत्याउँदैन। प्रकृतिले नै केटीहरुको केही न केही पक्षपोषण गरेकै हुन्छ।' अर्को जान्ने पल्टियो।

  • मृत्युको सौन्दर्य मृत्युको सौन्दर्य

    मृत्युसँग पनि 
    सौन्दर्यको आयामहरु हुँदोरैछ

    जस्तो कि-
    चुँडिएपछि सयपत्री गलामा झुण्डिन्छ
    चुँडिएपछि लालीगुराँस शिरमा अल्झिन्छ

    नवीन प्यासी

पाठक विचार

  • राजीनामाले उज्यालियो दाहालको छवि

    लोडसेडिङ अन्त्य, ओबरमा हस्ताक्षर, फास्ट ट्रयाक लगायतका राम्रा काम दाहाल नेतृत्वको सरकारले अघि बढाएको छ। तिनको सह्राना गर्न कन्जुस्याईं गर्न हुँदैन। मुख्य कुरा यदि दाहालको राजीनामाभित्र कुनै भित्री खेलहरु सम्मिलित छैनन् भने उहाँको यो कदम अत्यन्त प्रशंसनीय छ। साथै दाहालले आफ्नो कद उँचो गर्ने अवसर सहर्ष सदुपयोग गर्नुभएको छ। वचनमा ढुक्क बन्न नसकिने मानिस भनेर चिनिने उहाँको छवि उजिल्याएको छ।

    कल्पना भट्टराई

लोकप्रिय

सिफारिस

सूचनापाटी

छापाबाट